Seba fîrazkerdişê rojbîyayîşê Rayberê Şarê Kurdî Abdullah Ocalanî Rayraşîyayîşê Amara dest pêkerd.

Rayraşîyayîş hetê Federasyonê Komeleyanê Paştdayîş û Huqûqî yê Keyeyanê Tepişteyan û Hukmwerdeyan ê MEDî (MED TUHAD-FED), Kongreya Komelê Demokratîkî (KCD), Têgêrayîşê Cinîyan ê Azadan (TJA), Partîya Herêmanê Demokratîkan (DBP) û HDP ra yeno serûberkerdene. Şar ver bi dewa Amara ya qezaya Xalfetî şino.

Rixmê astengkerdişan zî girse rayîrê Xalfetî de şino. Komê ke rayîrê Amara de resayê pê sloganê 'Rojbîyayîşê to fîraz bo Serek Apo' vanê û govende gênê.

Hemserekê KCDyî Berdan Ozturk, Hemsereka DBPyî Salîha Aydenîz, Vervatoxa HDPyî Ebruye Gunay û wekîlî zî tede bi seyan kesî verê Xalfetî de ameyî yewca. Dima ke girseyî resayî pê wina pawîyeno ke ver bi Amara rayraşîyayîş dest pêbikero.