Bi sebebê varayîşê vewre Çewlîg, Dêrsim û xeylî bajaranê bînan ê Kurdistanî de rayîrî girîyayî û mektebî ameyî qefilnayene.

Çewlîg de netîceyê varayîşê vewre ra  qezaya Kanîreş,  Azarpêrt, Gêxî û Çêrme de mektebî seba 1 roje ameyî qefilnayene. Merkezê bajarî û qezaya Dara Hênî de zî mektebê ke resê ci bi wesayîtan beno seba rojêk perwerdeyî rê mabên ame dayene.

Dêrsim de zî rayîrê 91 dewan rîyê vewre û pûkî ra ameyî girewtene. Qezaya Xozat, Qisle, Mazgêrd Pilemûrîye û Pulur de heme mekteban de û Çemişgezek û Pêrtag de zî mektebê  ke res bi wasayîtan beno  seba rojêk mabên dîya perwerdeyî.

Reyna Siwas, Meletî, Semsûr û xeylî bajaranê bînan de zî rîyê vewre û pûkî ra rayîrî girîyayî û mektebî ameyî qefilnayene.