Merkezê Îrtîbatî û Çapemenîye yê HPGyî derheqê hêrişanê artêşa tirke de eşkerayîye daye û nê pare kerd:

“Rixmo ke hêzê ma çalakîyê xo vindarnayî, pozîsyonê bêçalkîyîye de yê artêşa tirke ya îşxalkere hêrişanê xo rê bêmabên dewam kena. Nê hêrişan de îşxalkerê ke şawîyenê hêzanê ma ser ê zî mirenê. Têna hîrê rojanê peyênan de mewzîyê xoverdayîşî 2 rey pê çekanê qedexeyan, 5 rey bi teyarayanê şerî û 34 rey pê obus, tanq û havanan dîyayî bombayan ver, 4 îşxalkerî ameyî kiştene. Sebebê nê faşîzmê AKP-MHPyî yo.

 Herêma Zapî de;

24ê gulane de îşxalkeran hêrişê mewzîyanê xoverdayîşî yê Sîda kerd. Hêzanê ma yê YJA Starî semedê xopitişî cewab da. Saetanê cemê şanî de îşxalkeran reyna hêrişê kerd. Hêzanê ma semedê xopawitişî bi taktîkê sabotajî cewab da, 3 îşxalkerî ameyî cezakerdene. Îşxalkeran heta roja bîne hêrişê eynî mewzîyan kerd û hêzanê ma semedê xopawitişî cewab da.

25ê gulane de îşxalkeran Warê Xoverdayîşî yê Girê FMyî da bombayan ver. Hêzanê ma semedê xopawitişî cewab da û netîceya nê de îşxalkerêk ame cezakerdene û  sîstemêkê kameraya mobese ame îmhakerdene. Hêrişan 24ê gulane ra heta 26ê gulane dewam kerd û hêzanê ma semedê xopawitişî cewab da.

Herêma Xakurkê;

26ê gulane de îşalkeran hêrişê Girê Şehîd Şahanî û Girê Şehîde Axîne kerd. Hêzanê ma semedê xopawitişî cewab da.

Hêrişê çekanê qedexeyan

24 û 25ê gulane de mewzîyê xoverdayîşî yê Girê FMyî û Sîda 2 rey pê çekanê qedexeyan dîyayî bombayan ver.

Bombardumanî

23 26ê gulane de Warê Xoverdayîşî yê Girê Şehîd Pilingî, Girê Hakarî, Girê Amedîyê yê Metîna, Warê Xoverdayîşî yê Girê Cûdûyî yê Zapî 5 rey pê teyarayanê şerî dîyayî bombayan ver.

23ê gulane de Girê Şehîd Pilingî, Girê Hakarî, Girê Amedîyê yê Metîna, Girê Cûdî, Girê Fmyî, Girê Bahar û mewzîyê xoverdayîşî yê Çemço û Sîda 34 rey pê obus, havan û tanqan dîyayî bombayan ver.

 Artêşa tirke 24,25 û 26ê gulane de hêrişê mewzîyanê  Warê Xoverdayîşî yê Girê FMyî kerd û cehd kerd ke pê kepçeyan mewzîyan birijno.”