Cinîya kurde Jîna Emînî (22) 13ê êlula 2022yî de hetê 'Polîsanê Exlaqî' ra amebî qirkerdene. Qirkerdişê Jîna ra dima pêro Rojhelatê Kurdîstanî û Îran de çalakîyê protestoyî dîyabî destpêkerdene. 

Nê çalakîyan de xeylêk kesî hetê dewleta Îranî ra ameyî qetilkerdene. Bi wesîleya Roşanê Remezanî Mahanad de bi seyan kesî şîyî zîyaretê goranê çalakîkeranê ke serewedaritişê Jin, Jiyan, Azadî de şehîd bîyê.

Bi seyan kesan gorî zîyaret kerdî, fotografê kesanê ke ameyê qetilkerdene akerdî û sloganê “Şehîd namirin” û “Jin, jiyan, azadî” vatî. Dima zî bi seyan kesan pîya merşo neteweyî 'Ey Reqîb' wend.