Makbula Ozera ke  bîlasebeb cezaya 2 serran 1 aşme dîyaye ci rixmê nêweşîye û extîyarîya xo zîndan de ameye tepiştene. Makbule Ozer rojanê ravêrteyan de sewqê Dezgehê Tibê Edlîyî (ATK) bibî û Wanî ra şawîyaybî Îstanbul. La seba ke tercumano kurkî çîn o, Ozere nêameyî goştarîkerdene. Nê tewirê ATKyî bibê sebebe nêrazîbîyayîşan. Hema ke nê nêrazîbîyîşan dewam kerdêne Ozara ke zaf nêweşîye ci est ê cezaya ci yew serre ameye peydeeştene û ameye tehlîyekerdene.

Makbule Ozera ke Ajansê Mezopotamya rê qisey kerd ard ziwan ke a zîndan de tim nêweş bî û zaf tengayîyî ant ê. Ozere vat: ‘’Ez têna nêeşkayêne miqatê xo bî. Cinîyê bînî ewnîyayênî mi ra. Ez têna nê zaf tepişteyê nêweşî bibî. Nêweşî nînê tedawîkerdene, werê înan nîno werdene û şertê weşîye çîn ê. Seba ke ma kurd ê yenê tepiştene. No zulm o. Ma rîyê ziwan û nasnameyê x ora yenê tepiştene. Ez zere de hilîbîlîya xo bîya, ez tim nêweş bîya. Ez hêvî kena ke heme tepişteyê nêweşî bêrê veradayene.’’