Komeleya Cigêrayîşanê Ziwan û Kulturî yê Mezopotamya (MED-DER) ya Amedî bi wesîleya Roşanê Ziwanê Kurdkî eşkerayîyêka nuştekîye daye. 

Eşkerayîye de ame parekerdene ke rixmê hende qedexe û tedayan kurdkî heta nê rojan ameye pawitene. Eşkerayîye de ame îfadekerdene ke Celadet Elî Bedîrxan û embazanê ci senî ke kurdkî de israr kerd ê zî do seba ke kurdkî biba ziwanê perwerdeyî û ziwano fermî têkoşîn de israr bikerê. Eşkerayîye de wina ame vatene: ''Qet yew hêz nêeşkeno ziwanê ma çin bikero. Roşanê ziwanê kurdkî neteweya kurdan rê fîraz bo!''

Wan de zî Egitim-Senî û MED-DERî pîya eşkerayîya serê 15ê Gulane daye. Lokman Babatî nameyê dezgehan ser o eşkerayîye wende û venga pêro kurdan da ke wayîrê ziwanê xo vejîyê. Babatî vat: ''Roşanê Ziwanê Kurdkî de ma venga pêro kurdan danê ke wa ziwanê ma bibo ziwanê perwerdeyî. Ma pêro kedkaranê ziwanê kurdkî selam kenê. Roşanê Ziwanê Kurdkî fîraz bo.''