Çalakgerê Mertalê Gandarî seba ke kincê pêşmergeyan hetê eskeranê Tirkî ra ameyê bikarardene şermezar kerd.

Çalakgerê mertalê gandarî Binarê Qendîlî de çalakîya xo ya vera îşxalkarîya Tirkî dewam kenê. Çalakwanan bi eşkerayîyêka nuştekîye îşxalkarîya Tirkî şermezar kerde. Çalakgeran vat, eskerê Tirkî bikardişê kincanê pêşmergeyan wazenê ke mabênê Kurdan de şerê wayeûbirakiştişî vejê.

Çalakgeranê Mertalanê Gandarîyan ra Agir Başûrî vat, înan çalakîya xo ya varê cehdkerdişê îşxalkarîya Tirkî 14’ê menge de daye destpêkerdene û ê hêrişê îşxalkerdişê vera Qendîlê qebûl nêkenê. Başûrî vat, “Eskerê Tirkî kincanê pêşmergeyan danê xo ra, hêriş ramenê serê gerîlayan, heme teknîkan xebitnenê û dewleta Tirkî wazena şerê wayeûbirakiştişî veja. Bi hezaran pêşmergeyî bi nê kincan şehîd kewtî. Nê kincê pêşmergeyan hêja û pîroz ê. Ma çalagerî nêwazenê ke pêşmergeyî bibê hempare wayeûbirakiştişî. Ma naye qebûl nêkenê. PDK û YNK dewleta Tirkî û Îranî rê xulamîye kenê. Ma ciwanê Başûrê Kurdistanî vengdayîş keyeyanê şehîdan, pêşmergeyan û şarê Başûrî rê kenê ke vera ney tewirê xo nîşan bidê.”

Ame zanayene ke, herêma Biradostî de vizêrî eskeranê Tirkî kincê pêşmergeyan dayê xo ra û cayê kontrolî girewto xo dest.