Kampa Multecîyan a Şehîd Rûstem Cûdîyî ya Mexmûrî de bi wesîleya Roşanê Remezanî gorê şehîdan ameyî zîyaretkerdene.

Şarî dima Dezgehê Keyeyanê Şehîdan de roşanê yewbînan pers kerd. Tîya de mela Elî Sipêrtîyî qisey kerd û vat: ''Ma tîya de fermananê Quranê Kerîmî anê ca. Çunke Quran de qalê pêxemberî ra dima qalê şehîdan yeno kerdene. Rayber Apo zî vano ke şehîdî rêberê ma yê.''

Dima Hemsereka Meclîsê Şarî ya Mexmûrî Fîlîze Budak qisey kerd û vat: ''Manaya roşanî rindbîyayîş, yewcaameyîş û parekerdişî ya. Wa no roşan bibo wesîleya haştîye, aramîye û azadîya Rayber Apoyî.''