Dewleta tirke pîya bi PDKyî 5ê êlule de Xelîfan de Gerîlayê Azadîye yê Kurdîstanî hedef girewtî. Netîceya hêrişî de hîrê gerîlayî şehîd bîyî û di gerîlayê birîndarî esîr ameyî girewtene. Kampa Multecîyan a Şehîd Rustem Cûdîyî (Mexmûr) de no hêriş ame şermezarkerdene.

Bi tewrbîyayîşê seyan kesan vere Komeleya Keyeyanê Şehîdan a Mexmûrî de eşkerayîye ameye dayene. Qiseykerdişan de nê ameyî vatene: ‘’Dewleta tirke ya îşxalkere bi paştdayîşê PDKyî hêriş kena. Dewleta tirke senî ke ewro hêrişê Rojawan, Şingal, Mexmûr û Herêmanê Pawitişî yê Medya kena  û vera koyanê azadan çekanê kîmyewîyan şuxulnena do rojêke wina hêrişê PDKyî zî bikero. Şarê kurdî do nê îxanetî xo vîr ra mekero û qesasê nê şehîdan bîgêro.  Herra Kurdîstanî meroşê, qurbanê osmanîyan mebê, xayînîyê mekerê û xo meroşê.’’