Kampa Multecîyan a Şehîd Rustem Cûdîyî (Mexmûr) ra heyetêk selahîyetdaranê Neteweyanê Yewbîyayeyan (NY) û Iraqî reyde pêvînayîş kerd. Heyetî waştişê şarê Mexmûrî teqdîmê selahîyetdaran kerdî.

Hemserekê Meclîsê Şarê Demokratîkî yê  Mexmûrî Yusif Karayî badê  kombîyayîşî semedê şaro ke vera zexan nobete tepişeno, eşkerayîye daye.

Karayî ard ziwan ke do şarê kurdî destûrê nê planan medo û vat: “Ma nika înan reyde kerd pêsere la ê semedê caardişê plananê xo qerardar ê. Vanê, ‘ma do bikerê.’ Ewro ra tepîya se beno ma nêzanê. Eke wazenê vera ma hendek bikenenê, ma do xoverdayîş û pêvînayîşanê xo bidomnê. Şarê Mexmûrî zaf bedelî dayî  û bi xoverdayîşî xo heme dinya de yeno naskerdene. Şarê ma do xoverdayîşê xo bidomno. ”