Droneyêkê çekdarî yê artêşa tirke ya îşxalkere saete 12.40 de Kampa Multecîyan a Şehîd Rûstem Cûdîyî (Mexmûr) de keyeyêk da bombayan ver. Netîceya hêrişî de hemwelatîyo bi nameyê Ebû Zêyd Ebdullah Ubêyd şehîd bi.

Şarê Mexmûrî semedê protestokerdişê hêrişî verê Meclîsê Şarî de ame têhet û ver bi cayê hêrişî rayra şi.  Badê rayraşîyayîşî cayê hêrişî de eşkerayîya çapemenîye ameye dayene. Hemserekê Meclîsê Şarî Yusuf Kayî vera bêvengîya îdareyê PDK û hukmatê Iraqî nêrazîbîyayîş mojna û  veng da Temsîlkarîya Neteweyanê Yewbîyayeyan a Iraqî ke wa wayîrê berpirsîyaranê xo vejîyo. Karayî vist vîrî ke xeylêk wext o semedê vengkerdişê kampe plan û hêrişî dewam kenê û vat nê hêrişê peyênî de zî kesêkî dinyaya xo bedilnaye. Cenaza do dima ra bêro ardene Dezgehê Keyeyanê Şehîdan ê Şarî û bi merasîmêkî bêro definkerdene.