Fermandarîya Qerargehê Merkezê Pawitişê Şarî (MPŞ) bi wesîleya Hewteyê Qehremanîye eşkerayîya daye û nê pare kerdî:

''Zext, zilm, îşkence, koletîye  ke bi seserran o ke vera kurdan yenê caardene seserra peyêne de bi hewayêkê sîstematîkî açarîyayî hêrişê qirkerdişî. Welata ma Kurdîstan ame parçekerdene. Bi des mîlyonan şarê ma sey çînbîyaye hesibîya , ziwan, kultur û nasnameyê ci ame înkarkerdene. Heme dinya nê bêveng seyr kena. Şarê kurdî vera nê hêrişan xeylêk serhildan xo xoverdayîşî kerdî la çi heyf ke rixmo ke qehremanê erjîyayeyî vejîyayî werte zî, ser nêkewt. Bawerîya azadîye qedîyaye, kurdîtîye ameye yew hale ke tîra şarmîyayêne. Wina waxtê bêhêvî de nêm seserre cuwa ver Rayber Apo vejîyayîşo tarîxî kerd. Rayber Apoyî hêrs û dejê xo açarnayî xoverdayîşî û bi têgêrayîşê PKKyî cewab da.

Rayber Apoyî zanayêne ke no karo zehmet o. Seba ke estbîyayîşê kurdan bipawo û bikero azad, tarîxê Kurdîstanî ra dersî vetî û rayraşîyayîşêko destankî rêxistin kerd.Vejîyayîşo tarxî yê Rayber Apoyî bi çalakîyanê qehremanîye yê kadroyanê rayberan ê têgêrayîşê Apoyîyan açarîya tradîsyonê xoverdayîşî û rotaya dewaya ma ya azadîye bewlî kerd ke ver bi serkewtişî şina. PKK bi şehadetanê xo yê girdan û rayraşîyayîşê xo yê biheybetî morê xo da binê tarîxê nêm seserre ro û bi têgêrayîşê qehremanan.

Şarê kurdî hewteyê mabênê 21-28ê adare sey Hewteyê Qehremanîye pîroz keno. 21ê Adare de Kawayê Hemdemî Mazlûm Doganî çalakîya girde ya Newroze kerde û 28ê adare roja şehadetê fermandarê efsaneyî yê gerîlayanê Kurdîstanî Egîd (Mahsum Korkmaz) a. Hemra Mazlûmî bi çalakîya xo xeta xoverdayîşî ya PKKyî vete werte û  fermandar hemra Egîdî xeta xoverdayîşî ya Mazlûman, Kemalan, Hayrîyan, Sarayan û Çaran kirişte koyanê Kurdîstanî û sey serkêşê Hemleya 15ê Tebaxe bingeyê gerîlatîya serkewtişî de şerê bi tewirê fedayîyî da destpêkerdene. Ma şehxsê hemrayanê xo Mazlûm Dogan û Mahsum Korkmazî yê ke qadroyê rayber û şehîdê gîrdî yê Partîya ma PKKyî yê, de şehîdanê xo bihurmet yad kenê û Hewteyê Qehremanîye yê Neteweyî pîroz kenê.

Bi çalakîyanê qehremanîyê Mazlûm û Egîdan artêşa fedayîyan ameye afirnayene ke ewro derbanê girdan dana dişmenî ro. Serra 2022yî de çalakîya girda fedayîye ya hemrayan Sara  Tolhildan Goyî û Rûkene Zela şexsê hemrayan Rohat, Şevîn, Şaristan, Navdar, Şervan, Egîd, Agir, Fedakar, Mizgîn, Rûmet, Fedai, Armanc, Eylem, Viyan, Agir, Rûstem, Mîrza, Mahîr, Nalîn, Koçer, Hêzil, Siyabend, Laşer, Çiya, Binevş, Ekin, Bager, Avzem, Dilşad, Dilşerda, Azad, Kahraman, Zagros, Dîdar, Özgür, Zemanî, Zerdeşt, Berfîn, Adil, Ahmed Rûbar, Avareş, Masîro, Güven, Vorîn, Seher, Jiyan, Evîndar, Ekin, Dilda, Şiyar, Rojhat, Ali, Baz, Helbest, Doğan, Rojda, Karker, Berçem, Jînda, Ronahî, Rêzan, Çayan, Şahin, Sara, Diren, Arjîn, Mardin, Çekdar, Ezda, Tîrêj, Şaho, Adar, Dicle, Diren, Nurî, Sîpan, Rahime, Piling, Aso, Evîn, Fuat, Mîrxan, Bedreddin, Aydın, Rûbar, Cîger, Mawa, Sedat, Delal, Rêber, Mazlum, Rûksen, Bager, Newzat, Egîd, Armanc, Rêvan, Êrîş, Mem, Bilind, Ciwana, Peyman, Agirî, Çavrê, Toprak, Militan, Nejwan, Serxwebûn, Sema, Erdal, Dilgeş, Adar, Heqî, Eylem, Medya, Amed, Binevş, Baran, Agir Tilezer, Ali Haydar, Goksu, Avent, Tîrêj, Ferman, Sabrî, Jînda, Helmet, Dilşêr Reqa, Rojbîn, Sila, Harun, Rûken, Şervan, Rênas, Delîl, Yaşar, Arjîn û Şevgerî de bîye nameyê rayraşîyayîşê girdî yê xeta qehremanîye. Çalakîyanê qehremanîya girde yê hemrayanê ma rayna mojna ke xeta qehremanîye çirey bin nêkewna.

Ma do sey Gerîlayanê Azadîye yê Kurdîstanî xeta şehîdanê xo yê qehremanan de têkoşînî xurtêr bikerê. Her şahadet semedê ma sebebê qesas û serkewtişî yo.  Ma bi heybetê adirişê Newroze kewnê serrêka newî ya têkoşînî. Ma şehxsê hemrayanê xo Mazlûm Dogan û Mahsum Korkmazî de şehîdanê xo bihurmet yad kenê û soz danê ke ma do tim binê heme şertan de xeta şehîdan teqîp bikerê. Ma reya Hewteyê Qehremanîye pîroz kenê. Ma şarê xo yê welatperwerî silam kenê ke Newroza Rayberîye biheybet pîroz kerde, xoverdayîşê Îmraliyî silam kerd û wayîrê qehremananê xo vejîya.''