Fermandarîya Qerargehê Merkezê Pawitişê Şarî (MPŞ) şerwan û fermandarê ke hewteyê peyênî de pê xoverdayîşêkê bêmabênî derbê giranî dayê artêşa îşxalkere ro, bi eşkerayîyêke fîraz kerdî.

Eşkerayîye wina ya:

''Vera Zap û Avaşînî 14ê nîsane ra nata hêrişê hîrayî yenê kerdene. Nê hêrişî raştê bawerî, îradeyê Apogîrî û qerardarîya serkewtişî yê embazanê ma ameyî. Terzê şerê tunelan û tîmanê hereketînan esasê afernayoxîya taktîkan ê şima de derbê tewr giranî dayî artêşa îşxalkere ro. Şexsê şehîdanê nê prosesî de qehremanîyê pîlê ke kitab û fîlmî nêeşkenê qala ci bikerê, qewimîyayî û qewimîyenê. Bêguman hêrişê dişmenî û xoverdayîşê ma bêmabên dewam kenê.

Warê Xoverdayîşî yê Çemço û Sîda

Waranê Xoverdayîşî yê Çemço û Zapî de şima sey fermandar û şerwanan 5 menganê peyênan de vera hêrişan xoverdayîş pîl kerd, şerê tîmanê hereketînan pratîze kerd, vera derbî dayî dişmenî û bi nê hawayî xoverdayîşê tunelanê şerî temam kerd. Dişmenî wextê peyênî de vera xo da Çemço û Sîda la şima zî seba ke rayîr nêdê nê îşxalî xoverdayîşêko zaf zixm mojna.

27ê tebaxe de îşxalkerê ke waştêne bikewê tunelanê Şehîde Arjîne ameyî pirodayene û 2 îşxalkerî ameyî cezakerdene, dest nîya 22 çekanê pîyadeytan ê MPTyî, 2 durbunanê termalan, 1 sîstemê radarî û 1 fenerî ser.

Şewa 2-3ê êlule de rixmo ke dişmenî 28 reyî pê teyarayanê şerî û 65 reyî zî pê helîkopteranê hêrişî Çemço û Sîda dayî bombayan ver şima da helîkopteran ro û 1 helîkopterê skorskyî vist war. Heman şewe 2 Skorskyê bînî bi giranî ameyî derbkerdene û dişmen erazî de ame pirodayene.

3ê êlule de Warê Xoverdayîşî yê Şehîd Fedakarî yê Sîda de îşxalkerê ke waştêne aver şorê ameyî pirodayene û 2 îşxalkerî ameyî cezakerdene. 3ê êlule de Warê Xoverdayîşî yê Şehîd Fedakarî yê Sîda de 11 reyî mudaxeleyê helîkopteranê dişmenî ame kerdene û 1 helîkopterê Skorskyî ame warvistene.

4ê êlule de Warê Xoverdayîşî yê Şehîd Adilî yê Çemçoyî de îşxalkerê ke waştêne aver şorê 12 reyî ameyî pirodayene û 9 îşxalkerî ameyî cezakerdene.

5ê êlule de Warê Xoverdayîşî yê Şehîd Adilî yê Çemçoyî de komêka îşxalkeran bi taybetî ameye hedefkerdene û 4 îşxalkerî ameyî cezakerdene û îşxalkerî birîndar bîyî.

Nê çalakîyî nê hewteyê peyênî de çalakîyanê tewr tesîran ra bîyî.

Dişmenî texmîn kerd ke Çemço û Sîda de xoverdayîşo winasên do biqewimîyo şewa ke 2ê êlule pabestena 3ê êlule, bi pêro îmkanê xo hêriş kerd. La şima embazanê ma cewab tewr manadar da dişmenî, 2 Skorksyî vistê war, xeylêk helîkopterî derb kerdê, xeylêk îşxalkerî ceza kerdê û şima seke dişmen poşman kerdo. Bêguman nê çalakîyî netîceya keda şehîdan û şima ya bi serran de ameyî kerdene.

Zaf manadar û girîng o ke nê çalakîyî sere de embaz Dogan Jîrkîyo ke fermandarîya warî ya nê çalakîyanê serkewteyan kerdêne, şexsê qesasê şehîdanê ma de ameyê kerdene. Ma nê esasî ser o şerwan û fermandaranê Warê Xoverdayîşî yê Çemço û Sîda fîraz kenê. Ma şexsê şima de pêro embazanê ke Hemleya Şorişgêre ya Bazanê Zagrosî de ca gênê zerrî ra selam kenê, înan rê serkewtiş wazenê.

Warê Xoverdayîşî yê Girê Amedîyê

Artêşa tirke ya îşxalkere seba îşxalê Başûrê Kurdîstanî hêrişê Herêmanê Pawitişî yê Medya kerd la Zap, Avaşîn û Metîna de raştê çalakîyanê xurtan ê embazanê ma ameye. Bi taybetî 24ê gulane de Girê Cehenemî û Kurojahro de derbê giranî dayî îşxalkeran ro. Artêşa îşxalkere nêeşkîya waştişê xo bivisna destî, rojhelatê Zapî de teng mende coka verê xo da rojawanê Zapî û Metîna.

25ê gulane ra nata nê waran de xoverdayîşê embazanê ma bêmabên dewam keno. Artêşa îşxalkere seba ke reyna waştişê xo nêvisto destî 4ê temmuze de narey hêrişê Girê Amedîyê yê Metîna kerd. La xoverdayoxanê Girê Amedîyê hêzê tewr holî yê artêşa îşxalkere tasfîye kerdî û derbêka girane ya bîne daye artêşa îşxalkere ro.19ê tebaxe de Warê Xoverdayîşî yê Girê Amedîyê de yew Skorsky ame warvistene. Nê prosesê xoverdayîşî de çalakîyê bitesîrî ameyî kerdene, Girê Şehîd Pîrdoxanî de dişmenî ser ra 3 reyî malzeme û çekî ameyî girewtene, dest nîya cenazaya dişmenî ser û zûrê artêşa îşxalkerî deşîfre bîyî.

Nê prosesê xoverdayîşê bêmabênî de hewteyê peyênî de nê çalakîyê serkewteyî vejîyayî vernî;

29ê tebaxe de îşxalkerê ke waştêne ver bi mewzîyanê Şehîd Sîpanî şorê hîrê baskan ra ameyî pirodayene û 6 îşxalkerî ameyî cezakerdene. 4ê êlule de Girê Amedîyê de yew Skorsky ame warvistene.

10 helîkopterî ameyî warvistene

Dima ke 10 helîkopterî ameyî warvistene hînî artêşa îşxalkere nêeşkena xebera warvistişê helîkopteran binimna û neçare mende ke eşkera bikera ke yew helîkopterê înan ameyo warvistene. Sere de tîmê hereketînî ma pêro şerwan û fermandaranê Girê Amedîyê fîraz kenê, selam û hûrmetê xo şawenê. Ma pê bawer ê ke no xoverdayîşê şima bi ruhê fedayî yê Apogîrî netîce û serkewtişanê hîna pîlan do virazo.

Tîmê hereketînî yê Xakurkê

Tarîxê ma yê têkoşînî de gerîlayê azadîye tim asta tewr berze de şer kenê. Taktîkê afernayoxî yê gerîlayan, asta caardişê înan ê bi westatîye û pisporîye, profesyonelîye û performansê şerî yo berz gerîlatîya Kurdîstanî û dinya de tarîxêkê neweyî nusenê.  Bi nê hîs û bawerîye ma fermandar û şerwananê ke bi îradeyê Apogîrî şer kenê selam kenê.

Herêma Xakurkê herêmêka winasên a ke artêşa îşxalkere bi hawayêkê hîrayî verê xo dayo ci, la raştê têkoşînêkê pîlî ameya. Dişmen seba astengkerdişê gerîlayan dest pê têgêrayîşê îşxalî kerdbi. Hêzanê ma yê herême îmkanî afernayê ke hîna zaf bidê dişmenî ro. Hêzanê ma yê herême nê esasî ser o çalakîyê xurtî kerdî.

Xakurkê de nê hewteyê peyênî de nê çalakîyê xurtî vejîyayî vernî;

23ê tebaxe de wesayîto leşkerî yê artêşa îşxalkere wexto ke warê Lêlikanî ra şîyêne Kevortê ame îmhakerdene û 4 îşxalkerî ameyî cezakerdene.

27ê tebaxe de warê Girê Şehîd Derwêşî de 5 îşxalkerî ameyî cezakerdene, çeperêkê çekan ame îmhakerdene.

28ê tebaxe de Girê Şehîd Şabanî de 3 îşxalkerî ameyî cezakerdene û çeperêk ame îmhakerdene.

30ê tebaxe de tîmanê hereketînan ê YJA-Starî Girê Şehîd Derwêşî de 6 îşxalkerî ceza kerdî û cebilxaneyêkê dişmenî îmha kerd.

31ê tebaxe de tîmanê hereketînan ê YJA-Starî Girê Şehîd Şahanî de 4 îşxalkerî ceza kerdî, 3 çeperî û sîstemêkê kameraya mobese îmha kerd.

2ê êlule de mabênê Girê Şehîd Şahîn û Girê Şehîd Axînî de dişmenî waşt aver şoro la hêzanê ma da dişmenî ro û 8 îşxalkerî ceza kerdî.

3ê êlule de tîmanê hereketînan ê YJA-Starî Girê Şehîd Derwêşî de 6 îşxalkerî ceza kerdî û çeperêk îmha kerd.

3ê êlule de Girê Şehîde Sarya de wesayîto zirxîn ê bi tipê Kîrpî ame pirodayene, 9 îşxalkerî ameyî cezakerdene û wesayîtêko leşkerî yo bîn ame îmhakerdene.

4ê êlule de mabênê waranê Gelîya Reşî û Girê Masîroyî de wesayîto leşkerî yê Reoyî ame pirodayene, 13 îşxalkerî ameyî cezakerdene û wesayîto leşkerî ame îmhakerdene.

Tîmê hereketînî

Gerîlatîya dewrê neweyî wexto ke terzê xo yê têgêrayîşî û taktîkanê zengînan reyde yena caardene netîce gêna. Nê çalakîyanê serkewteyan de no ame îsbatkerdene. Nê çalakîyî pêroyî hetê tîmanê hereketînan ra ameyê kerdene û no zî mojneno ke hêzê pirodayîşî yê terzê şerê tîmanê hereketînan çendek pîl û kapasîteya nê çalakîyan çend berz a. Nê çalakîyî bi ruhê Apogîrî û seba vîrameyîşê fermandaranê pîlan Egîd Garzan, Ahmed Rûbar, Bager Erdal, Rêzan û Amedî ameyî kerdene û yenê manaya perwerîya bi şehîdan û pratîzekerdişê sozê seba şehîdan.

Nê serkewtişan ra ma pêro fermandar û şerwananê ke tewrê nê çalakîyan bîyê fîraz kenê. Şexsê înan de ma pêro embazanê herêma Xakurkê bi rêz û hûrmetî selam kenê. Ma pê bawer ê ke ê do serkewtişanê pîlan bivisnê destî.''