Fermandarîya Qerargehê Merkezê Pawitişê Şarî (MPŞ) bi eşkerayîyêke çalakîyanê înan ra semed gerîlayê Botan, Metîna û Xakurkê fîraz kerdî. 

Eşkerayîye wina ya:

''Dişmenî 7ê hezîrana 2023yî de warê Besta yê Botanî de dest pê operasyonî û wêrankerdişê xoza kerd. Vera ney gerîlayan bi metodê gerîlayan ê koordîneyî û sereştişî çalakîyêka serkewte kerde. Çalakîye de metodê şerê tîme ame caardene û tewr tay 5 hêzê dişmenî ameyî cezakerdene. Na çalakîya ke hetê rayîr û metodê leşkerî ra serkewte ya, heman wextî de talanê xoza yê dişmenî şexsê Fermandara ma ya qehremane Leyla Sorxwîne de seba qesasê şehîdanê Besta ameye kerdene. Na çalakîye reyna mojna ke eke xeta şehîdan de taktîlê gerîla û metodê  şerê tîma pispore bêrê caardene netîce do bitesîr biba. Artêşa îşxalkere na çalakîye de derbê giranî werdî, kişteyê xo nimitî û bi zûra 'di kişteyê ma est ê' xîret kerd ke tesîrê na çalakîye bikêmîna. Na çalakîye de zerar nêresa hêzanê ma ser, kşteyê dişmenî zaf bîyî, bombarduman û operasyonê dişmenî pûç bîyî ke no serkewtişêko girîng o.

11ê hezîrane de wesayîtêkê leşkerî yê bi tîpê Reoyî xîret kerdêne ke îşxalkeran bero Warê Xoverdayîşî yê Girê Hekarî yê Metîna la wesayît bi metodê sabotajî ame îmhakerdene. Netîceya na çalakîye de 12 îşxalkerî ameyî cezakerdene û wesayît bi temamî ame îmhakerdene. Na çalakîye de taktîkê sabotajî û metodê şerê tîma pispore şuxilîyayî. Dişmenî hûmara kişteyanê xo reyna nimite û îdîa kerde ke teyna di leşkerê ci kişîyayê.

15ê hezîrane de Warê Girê Şehîd Şahanî yê Xakurkê de gerîlayanê ma da dişmenî ro û ê şîyî serê 18 cenazayanê dişmenî ke nê cenazayan ra yew aîdê payeberzêkî bîye. Ame tesbîtkerdene ke pêro îşxalkerê ê warî ameyê cezakerdene. Na çalakîye serkêşîya milîtananê Apogîran ê fedayîyan Asya, Azad û Koçerî de ameye kerdene û tede derbêka girane dîyaye dişmenî ro.

Ma nê çalakîyanê serkewteyan fîraz kenê ke vera wêrankerdişê xozaya Kurdîstanî, vera operasyonanê îmhaya gerîlayan, vera bombardumananê serê Herêmanê Pawitişî yê Medya û vera hêrişanê îşxalî ameyê kerdene. Heman wextî de Hemserekîya ma ya Konseya Rayberdişî ya KCKyî dabi zanayene ke ê nê çalakîyanê fîraz kenê. Ma şerwan û fermandaranê nê çalakîyan zî fîraz kenê.

Ma embazanê xo yê herêmanê Botan, Metîna û Xakurkê selam kenê ke bi ruhê fedayî yê Apogîrî şer kenê û têkoşînî pîl kenê. Ma pê bawer ê ke do serkewtişanê pîlêran bivisnê destî.''