Namzetê Wekîlîye yê Partîya Çep a Keske yê Colemêrgî Onur Duşunmezî derheqê weçînayîşan de ANFyî rê qisey kerd. Duşunmez 1990 de qezaya Geverî ya Colemêrgî de dadîya xo ra bîyo û huqûqî ra mezûn bîyo. Duşunmezî dewayanê Kobanê û JÎTEMî de avûkatîye kerde û Hemserekîya OHDyî ya Colemêrgî zî kerde. Duşunmez kurdkî, tirkî û îngilîzkî zaneno.

Duşunmezî ard ziwan ke tecrîdê vera Rayberê Şarê Kurdî Abdullah Ocalanî rojdemê ci yo verên o û o do seba ke tecrîd bêro wedaritene têkoşîn bikero. Duşunmezî da zanayene ke o dewayanê sey Kobanê û JÎTEMî de zî avûkatîye keno û wazeno bi caardişanê xo polîtîkaya dewlete de rolê xo bîyaro ca. Duşunmezî pare kerd ke ê do xîret bikerê ke Colemêrg de projeyanê derheqê bêkarîye û xizanîye de mîyanê ciwanan de aver berê û bîyarê ca.