Merkezê Îrtîbatî û Çapemenîye yê HPGyî bi eşkerayîyêke da zanayene ke rixmo ke hêzê înan pozîsyonê bêçalakîye de yê artêşa tirke hêrişê înan kena û nasnameyê di şehîdan eşkera kerdî:

“25ê nîsana 2023yî de qezaya Ebexî ya Wanî de di embazê ma yê ke wezîfe ser de bî raştê hêrişê dewleta tirke ameyî. Hemrayê ma Ekîne û Rosîda vera hêrişanê dişmenî heta hela peyêne bi hewayêkê fedakarî şer kerd û tewrê kerwanê şehîdan bîyî. Mîlîtanê serkêşî yê Têkoşînê Azadîye yê Cinîyan hemrayê ma Ekîne û Rosîda bi vindertişê xo yê sereberzî yê vera dişmenî tarîxê azadîyê yê şarê ma de cayê xo yo birumet girewt. Ma do xeyalanê embazanê xo yê Rayberîya Azade û Kudîstanê Azadî bîyarê ca.
Ma sere de keyeyanê erjîyayeyan ê hemrayanê xo Ekîne û Rosîda, şarê Serhed û heme şarê welatperwerî yê Kurdîstanî rê serweşîye wazenê.
Nasnameyê embazanê ma yê şehîdan wina yê:

Nameyê Qodî: Ekîne Rizgar Malazgîrt Name û Peyname: Nurane Altunmakas Cayê Bîyayîşî: Îzmîr Maye-Pî: Fatma – Mehmet Şirin Tarîx û Cayê Şehadetî: 25ê Nîsana  2023yî / Serhed

Nameyê Qodî: Rosîda Bawer Name û Peyname: Belgin Guven Cayê Bîyayîşî: Erzirom Maye-Pî: Halîde - Orhan Tarîx û Cayê Şehadetî: 25ê Nîsana  2023yî / Serhed

Hemraya ma Ekîna ke eslê xo de Milazgîrê Mûşî ra ya rîyê zextanê dewleta tirke ra Îzmîr de herra bimbareke ya Kurdîstanî ra dûrî de bena pîl. Rixmo ke welatê xo ra dûrî de yena dinya û bena pîl kulturê qadîmî yê kurdan ra nêqerfîyena û têkoşînê azadîye yê Kurdîstanî  nêzdî ra teqîp kena. Sey cinîya kurda ciwane vera sîstemî wayîrê nasnameyê cinîye û kurdîtîye vejîyena. Bado ke birayê ci 2014 de tewrê sefanê Gerîlayanê Azadîye yê Kurdîstanî beno, dahîna nêzdî ra têkoşînê ma teqîp kena, aktîf mîyanê de ca gena û 2015 Serhed de tewrê sefanê gerîlayan bena. Herêmanê Pawitişî yê Medya de perwerdeyê xo yê esasî gena û gerîlatîya verêne herêma Zapî de kena.  Tîya di serrî mîyanê xelêk çalakîyan de ca gena. Sey gerîlaya cinî ya serkêşê perwerdeyê sabotajî gena. Dima ra akademî de tewrê perwerdeyî bena û sey militana serkewtîye ya YJA Starî agêrana Serhedî û heme wezîfeyanê xo bisekewtişî ana ca.

Hemraya ma Rosîda Erzirom de yena dinya û bi  kulturê welatperwerîye bena pîl. Dima ke merdimê ci yo nêzdî, hemrayê ma Bawer-Feyyaz Guven tewrê sefanê gerîlayan beno, no aye ser zaf tesîr keno. Bado ke hemrayê ma Bawer şehîd beno û hêrişê qirkerdişî yê vera şarê ma zêdîyene, hemraya ma Rosîda 2015 de tewrê sefanê gerîlayan bena. Demê kilmî de xo hetê leşkerî û  îdeolojî ra perwerde kena û akedemî de 3 serrî perwerde  dana. Hetêkî ra zî xo perwerde kena û bena gerîlayêka serkewtîye ya YJA Starî. 2019 de Akademîya Cinîya Azade ya Şehîde Bêrîtane de perwerde gena û verê xo dana Vakurê Kurdîstanî û seba ke dişmenî ra qesas bîgêro têkoşînê xurtî dana.

27 û 28ê nîsane de Warê Xoverdayîşî yê Girê Cûdî û mewzîyê xoverdayîşî yê Çemço û Sîda 4 rey pê helîpoteranê hêrişî, 22 rey pê obus û çekanê giranan dîyayî bombayan ver. 24ê nîsane de îşxalkeran kerd ke mewzîyanê xoverdayî yê Sîda pê kepçeyan birijnê.”