Merkezê Îrtîbatî û Çapemenîye yê HPGyî nasnameyê hîrê gerîlayanê ke şehîd bîyî eşkera kerdî û nê pare kerdî:

“24ê hezîrana 2022yî de ma eşkerayîya xo de vatbi 16ê hezîrane de waranê Şehîd Kawa û Apê Musayî yê Amedî de di embazê ma şehîd bîyî. Ma nasnameyê hemrayê xo yê Dilşad- Mehmet Suleymanogluyî eşkera kerdbi. Nika safî bi ke hemrayê ma yo bîno ke şehîd bîyo Dilşerda Semsûr o.

Nasnameyê hemrayê ma Dilşerda Semsûrî wina yo:

Nameyê Qodî: Dilşerda Semsûr Name û Peyname: Mesut Akyuz Cayê Bîyayîşî: Semsûr Maye-Pî: Kilî - Mustafa Tarîx û Cayê Şehadetî: 16ê Hezîrana 2022yî / Amed

Hemrayê ma Dilşerda dewa Palasî ya Semsûrî de yeno dinya û gama ke Unîversîteya Ege de waneno Têgêrayîşê Azadîye yê Kurdîstanî nas keno.  Seba ke ziwanê xo yê dayîke kurdkî dahîna rind bimuso komeleyanê cîya cîyayan de perwerde vîneno. Ronayîş û îdareyê Meclîsê weşîye yê unîversîte de ca geno  û wextê hêrişê DAÎŞî birîndaran rê hetkarî keno. Hela ke gerîlayê vaz danê gazîyê Rojawanî zaf bine tesîrê PKKyî de maneno  û 23ê gulana 2015î de verê xo dano koyanê azadan.  Hemrayê ma Dilşerdayo ke Amed de tewrê sefanê gerîlayan beno xo hetê leşkerî  ra aver beno û xeylêk çalakîyanê serkewteyan de ca geno.  2017 de ravêrno warê Erziromî û tîya hîrê serrî gerîlatîye keno û dima ra agêreno Amedî. Ame de bi hewayêkê qehremankî têkoşîn keno û 17ê hezîrana 2022yî de tewrê kerwanê şehîdan beno.

Licê de di gerîlayî şehîd bîyî

17ê temmuza 2022yî de qezaya Licê ya Amedî de operasyonê artêşa tirke de hemrayê ma Kendal û Mahîr ê ke bi hewayêkê qehremankî şer kerd û derbeyê pîlî dayî dişmenî ro tewrê kerwanê şehîdan bîyî

Nasnameyê hemrayanê ma yê şehîdan wina yê:

Nameyê Qodî: Kendal Ronî Name û Peyname: Necatî Utku Kiraz Cayê Bîyayîşî: Mersin Maye-Pî: Safîye- Yilmaz Tarîx û Cayê Şehadetî: 17ê Temmuza 2022yî / Amed

Nameyê Qodî: Mahîr Tendurek Name û Peyname: Ferhat Atsak Cayê Bîyayîşî: Wan Maye-Pî: Şazîye – Îbrahîm Tarîx û Cayê Şehadetî: 17ê Temmuza 2022yî / Amed

 

 

Hemrayê ma Kendalo ke eslê xo de Sîwerag ra yo seba ke keyeyê ci Mersin de ciwîyeno ûca yeno dinya û bi kulturê welatperwerîye beno pîl. Gama ke Anqara de şino unîversîte PKKyî nas keno  û 2013 de tewrê sefanê gerîlayan beno. Gerîlatîya xo ya verêne Amed de keno û ravêreno Herêmanê Pawitişî yê Medya û tewrê hêzanê taybetan beno. Bado ke xo her hetî ra perwerde keno reyna agêreno Amedî. Warê Amedî de xeylêk xebatanê de wezîfe geno û bi serkewtişî ano ca. 17ê temmuza 2022yî de pêkewtiş de heta nefesê xo yê peyênî şer keno û tewrê kerwanê şehîdan beno.

 

Hemrayê ma Mahîr Wan de yeno dinya û keyeyêkê welatperî de beno pîl. 2008 de waya ci Delîla û waya ci ya bine 2013 de tewrê sefanê gerîlayan benê. No hemrayê ma Mahîrî ser o zaf tesîr keno. 2015 de waya ci Delîla şehîde bena û hêrişê artêşa tirke yê vera Kurdîstanî zêdîyenê. Hemrayê Mahîr tewrê sefanê gerîlayan beno ke qesasê şehîdan bigêro. 2016 de tewrê sefanê taybetan beno û xo zafer perwerde keno. Hemrayê ma Mahîrî Botanî ra ravêreno Amed û tîya tewrê çalakîyanê serkewteyan beno û bi şerkerdişê qehremankîyî tewrê  kerwanê şehîdan beno.

 

 

 

Ma sere de keyeyanê erjîyayeyan ê hemrayanê xo Dilşerda, Kendal û Mahîrî rê û heme şarê welatperwerî yê Kurdîstanî rê serweşîye wazenê. Ma soz danê ke ma do waştişê şehîdan bîyarê ca.’’