Merkezê îrtîbtî û Çapemenîye yê HPGyî bi eşkerayîyêke nasnameyê gerîlayêkî eşkera kerd û nê pare kerdî:

''23ê teşrîna peyên a 2022yî de hêrişê dişmenî yê warê Metîna de hemrayê ma Delîl Çîyager tewrê kerwanê şehîdan bi. Hemrayê ma Delîlî vera hêrişanê dişmenî heta hela peyêne bi hewayêkê qehremankîyî têkoşîn kerd  û wezîfeyê xo bi serewktişî ard ca. Ma keyeyê erjîyayeyî yê hemrayê xo Delîl Çîyager û şarê welatperwerî yê Kurdîstanî rê serweşîye wazenê.

Nasnameyê Delîl Çîyagerî yok şehîd bi, wina yo:

Nameyê Qodî: Delîl Çîyager Name û Peyname: Rêzan Bîlkay Cayê Bîyayîşî: Mêrdî Maye-Pî: Emîne – Îbrahîm Tarîx û Cayê Şehadetî: 23ê Teşrîna Peyên a 2022yî / Metîna

Hemrayê ma Deîll Mêrdîn de keyeyêkê welatperwerî de yeno dinya û seba ke keyeyê ci bar keno şino Ewropa, tîya bi kulturê welatperwerîye beno pîl. Hemrayê ma Delîl hîrê ziwananê xerîban zaf hol museno. Hem mekteb waneno hem zî seba ke hetkarîya keyeyê xo bikero, xebityeno. Wextêk xebatanê ciwanan de aktîf ca geno. 2017 verê xo dano koyanê Kurdîstanî û bi coşê pîlî tewrê sefanê gerîlayan beno.

Herêmanê Pawitişî yê Medya perwerdeyê şervananê newayan vîneno û dima ra gerîlatîya verêne Heftanînî de keno. Hemrayê ma Delîl Heftanîn de têkoşînê vera hêrişê îşxalî yê dewleta tirke de rolêko muhîm kay keno. Xeylêk çalakîyanê serkewteyan de cayê xo geno û dima ra verê xo dano Metîna. Tîya zî vera operasyonanê îşxalî yê dewleta tirke cepheyê verênî de cayê xo geno û derbanê girdan dano dişmenî ro.''

HPGyî vat: ''21ê adare de Warê Xoverdayîşî yê Girê Cûdî, Girê FMyî, warê Gelîya Lolan, Girê Şehîd Kamuran û Girê Şehîd Heqî yê Xakurkê û mewzîyê xoverdayîşî yê Çemço û Sîda bi desan rey bi teyarayanê şerî, obus, tanq, havan û çekanê giranan dîyayî bombayan ver.''