Merdimanê tepişteyanê nêwaşan verî Amed de dima ra Wan de seba bale biance rewşa merdimanê xo ser Nobeta Edaletî daye daye destpêkerdene. Çalakîyê paştdayîşê tepişteyan dewam kenê.

Çalakîya  ke Baroyê Amedî dîyaye destpêkerdene roja 33.  de dewam kena. Çalakwanan ra Fevzîye Kolakana ke di lajê tepişte yê ard ziwan ke lajê ci Ahmet Kolakan nêweşo giran o, coka a tewrê çalakîye bîya. Kolakane veng da heme merdimanê tepişteyan ke wa vengê xo vejê wayîrê tepişteyan vejîyê. Merdimanê tepişteyan ra Încî Guler zî bale ante şehadetanê zîndanî ser û vat: ''Ganî meclîs cade na rewşe bîgiro rojemê xo û înan tehlîye bikero.''

Baroyê Wanî de zî Nobeta Edaletî roja 10. de dewam kena.  Îdarekaranê Komeleya Barkerdiş û Cigêrayîşî yê Serhadî çalakwanî zîyaret kerdî.  Çalakîye de bale ameye antene serê bêedaletîye yê welatî ser û semedê wayîrvejîyayîşê çalakîye ame vengdayene.