Koordînasyonê PAJKî bi eşkerayîyêke qetilkerdişê Endama Merkezê Cigêrayîşî yê Jineolojî Nagîhane Akarsel şermezar kerd. Eşkerayîye wina ya:

''Nagîhane Akarseş pê karanê xo yê akademîya jineolojî, kovar û karanê bînan, bi taybetî zî bi projeyê xo yê kitabxaneyê cinîyan Silêmanî de erjê girîngî yê têkoşînê azadîya cinîyan zêdînayî. A şehîda şorişê ma yê cinîyan a. A akademîsyêka kurde bîye ke ma nuşteyê ci teqîb kerdêne, bi kêfweşî wendêne, tira hes kerdêne û bi fikr û karê xo averberdişê mezgê cinîyan rê ardim kerd. Qetilkerdişê embaze Nagîhane ma zaf dejna. Ma bi rêzdarî aye yad kenê û keda ci ver de rîyê xo anê war.

No hêriş bi fermanê îqtîdarê AKPyî ame kerdene. No hêrişo ke bi armancê polîtîkî ameyo kerdene, seba cinîyan sebebê serewedaritişî yo. No hêriş sebebê hesabpersayîşê sîstemê camêrdan o. Sebebê birêxistinkerdiş û caardişê xopawitişî yo. Seba ke no serebût sey cînayetanê bînan ê Başûrê Kurdîstanî nêro nimnayene wezîfe keweno milê cinîyanê Başûr, hukmatê Başûrî û YNKyî ser.

No hêriş vera pêro welatperweran, akademîsyenan, sîyasetmedar, rojnameger û şorişgêran ameyo kerdene.  Dewleta tirke pê nê qetilkerdişî wazena ke cinîyanê kurdanê ke bi sloganê 'Jin, Jiyan, Azadî' serkêşîya vurîyayan kenê ra qesas bigêra. Wextê ci ameyo ke dewleta tirke Başûrî ra bêra vetene. Ganî şarê Başûrî seba ney çalakîyan bikero, boykotan bikero. Başûr seke kewto destê Anqara. Ma venga pêro kurdan danê ke serkêşîya cinîyan de yewîya xo bîyarê ca û wurzê payan ser.

Kişîyayîşê Nagîhane Akarsel ra PDK mesuldar o ke bi hemkarîya dewleta tirke dişmenîya kurdan keno. Kişîyayîşê Nagîhane ra YNK mesuldar o ke vera tedaya AKPyî tewirê xo nêmojneno. Dewleta Iraqî mesuldara nê kişîyayîşî ya ke vera hêrişanê hewayî yê dewleta tirke ya îşxalkere îradeyê xo nêmojnena. Nê kişîyayîşî ra Amerîka mesuldar a ke verê hêrişanê dewleta tirke nêgêna.

Jîna Emînî do bêveng nêmana, Nagîhane do bêveng nêmana. Ma do her ca de têkoşînî geş bikerê û wayîrê înan vejîyê. Têkoşînê azadîye yê cinîyan do bi qirkerdişan nêqedo la îqtîdarê AKP-MHPyî do biqedo. Ma venga şarê xo danê ke her ca de bi xurtî hesab biperso.''