Hêrişê îşxalî yê dewleta tirke 24ê nîsana ra nata vera  herêmanê Zap, Avaşîn û Metîna yê Herêmanê Pawitişî yê Medya dewam kenê.

Hêzê îşxalkerê ke Zap de kewtê tengayî, nêeşkenê aver şirê bitaybetî 24ê gulane de xeylêk leşkerê înan ameyî kiştene. Naye ser o îşxalkeran 25ê gulane de  bi giranî verê xo de rojawanê Zapî. A roje ra nata Warê Xoverdayîşî yê Girê Hakarî, Girê Cûdî, Girê FM û Girê Amedîyê yê ke rojanê Zapî de yê tîya mabênê gerîlayan û artêşa tirke de pêkewtişê giranî qewimîyenê.

Goreyê xeberanê ke çimeyanê gerîlayan ra ameyî girewtene dewleta tirke nê warî de 4 helîkopterî û bi seyan leşkerî vînî kerdî. Xeylêk cenazayê gerîlayan û malzemeyê leşkerî kewtê destê gerîlayan.  Goreyê xebaranê peyênan PDK reyna vazda gazîye dewleta tirke ya ke tengayî de ya. Hêzanê PDKyî 27ê tebaxe de mabênê Girê Hakarî û Girê Amedîyê de dest pê viraştişê rayîrî kerd. Dîmenê ke vizêr ameyî antene de yeno vînayene ke hêzê PDKyî bi di kepçeyanê girdan, di buldozeran û panc wesayîtan vera warê xoverdayîşî rayîr virazenê. Dewleta tirke ya ke rixmê heme hêrişanê hewayî nêeşkena gerîlayan kena ke pê paştdayîşê PDKyî erdî ra aver şiro.