Komêka ciwananê Vakurê Kurdîstanî tewrê PKKyî bîye. Ciwanan tewrbîyayîşê xo ser o eşkerayîye daye.

Ciwanan eşkerayîye de wina vat: ''Rayberê ma ser o tecrîdêko giran esto, vera şarê ma hêrişê qirkerî yenê kerdene, vera gerîlayan hêrişê bêmerdimîye yenê kerdene. Ma sey ciwananê kurdan pare kenê ke tewrê têkoşînê PKKyî benê. Heta ke ma dewleta tirke ya faşîste birijnê ma do çarçewa Hemleyanê Şorişgêran ê Cengê Xabûrî û Bazanê Zagrosî de şer bikerê.''

Ciwanan teda û zorbazîya rejîmê AKP-MHPyî ya vera kurdan viste vîrî û îfade kerd ke înan vateyê Rayberê Şarê Kurdî 'Ma bi ciwanîye dest pêkerd, ma do bi ciwanîye biqedînê' xo rê kerd esas.

Ciwanan vat: ''Nê esasî ser o ganî pêro ciwanî bi hawayêkê xurtî tewrê mîyanê têkoşînê şorişgêrî bibê. Nê esasê gerîlabîyayîşî ser o tewr bibê.

Ma pare kenê ke dormeyê ruhê xoverdayîşî yê Cengê Xabûrî û Bazanê Zagrosî yê gerîlayan de ma do Têkoşînê Şorişgêrî yê Kurdîstanî ser bivisnê, rejîmê dewleta tirke ya faşîste çin bikerê. Nê esasî ser o ma venga ciwananê Kurdîstanî danê ke esasê Hemleya 'Werin Cenga Azadiyê' de koyanê Kurdîstanî de tewrê têkoşînê şorişgêrî yê PKKyî bibê.''