Komîteya Rayberdişî ya PKKyî bi wesîleya 1ê Gulane Roja Karker û Kedkaran eşkerayîyêke daye û vat: ''Ma coşê 8ê Adare û Newroze bikirişê 1ê Gulane; ruhê xoverdayîş û serkewtişî yê 1ê Gulane zî bikirişê 14ê gulane.''
Komîteya Rayberdişî ya PKKyî bi wesîleya 1ê Gulane Roja Karker û Kedkaran eşkerayîyêke daye. Eşkerayîye wina ya:
''Ma prosesêkê krîtîkî de 1ê Gulane pêşwazî kenê. Ma na roje de biherikê waran û têkoşînê xo yê azadîye û demokrasî berz bikerê. Şexsê Endamê ma yê Komîteya Merkezîye embaz Mehmet Karasungur û Ramazan Kaplanî de ma pêro şehîdanê 1ê Gulane bi rêzdarî û minetî yad kenê. Ma xoverdayîşê Îmraliyî yê Rayber Apoyî selam kenê. Ma pê bawer ê ke 1ê Gulane do têkoşînê Kurdîstanê Azadî û Tirkîyaya Demokratîke de bibo destpêko newe.
Eşkera yo ke emser 1ê Gulane ê bînan ra zaf cîya yo. 14ê gulane de provaya rijnayîşê AKP-MHPyî do bêra kerdene. Bêguman no seba Kurdîstan, Tirkîya û Rojhelatê Kurdîstanî zaf girîng o. Bi rijnayîşê AKP-MHPyî do verê azadîya Kurdîstanî abibo. Hetê bînî ra pêro kanwazî, kurdê xayînî, hêzê global û nîjadperestî paştî danê AKP-MHPyî. Îqtîdarê AKP-MHPyî zî seba ke îqtîdar de bimano her tewirê teda û zulmî keno, şarî xapîneno û zûran keno. Kam ke vera Erdoganî wurzeno we sey 'xayînî' yeno sûcdarkerdene. Serebûtanê peyênan ê destbendkerdiş û tepiştişî de zî ame dîyene ke îqtîdar xîret keno ke çew propaganda nêkero. No atmosfer mojneno ke îqtîdar seba ke biimano muracatê pêro rayîr û metodan keno.
La a raşte faşîzmê AKP-MHPyî binî ra rijîyaye yo. Îqtîdar do nêeşko pê teda, qirkerdiş, zûran, hîleyan û zorî bimano. Seba ke faşîzmê AKP-MHPyî biqedo weçînayîşê 14ê gulane do bibê gama verêne. Têkoşînê demokrasî û azadîye yo antîfaşîst bi weçînayîşanê 14ê gulane do averşîyayîşêkê pîlî bivisno destî. Coka weçînayîşê 14ê gulane rê girîngîye wa bêra dayene, her kes raya xo bido, seba rijnayîşê AKP-MHPyî û caardişê serkewtişî wa her kuçe de xebatî wa bêrê kerdene. Seba xoverdayîşê vera hêrişanê faşîstan ganî merdimî tim amade bibê.
Seba rijnayîşê AKP-MHPyî, seba demokratîkbîyayîşê Tirkîya, seba azadîya Kurdîstanî, seba azadîya cinîyan, seba azadîya fikran, rêxistinbîyayîşî, seba şiknayîşê tecrîdê Îmraliyî, seba azadîya Rayber Apoyî, seba vergirewtişê hêrişan, seba ameyoxê Rojhelatê Mîyanênî û seba averşîyayîşê merdimatîye ma 1ê Gulane de vejîyê waran û 14ê gulane de zî raya xo bidê.
Ma coşê 8ê Adare û Newroze bikirişê 1ê Gulane; ruhê xoverdayîş û serkewtişî yê 1ê Gulane zî bikirişê 14ê gulane.
Ma emser 1ê Gulane bikerê destpêkê serkewtişêkê pîlî yê demokrasî. Ma waranê 1ê Gulane debikerê û rayraşîyayîşê xo yê seba azadîye û demokrasî bidê destpêkerdene. 1ê Gulane ra heta 14ê gulane ma pirdê demokrasî û azadîye, pirdê serkewtişê tarîxîyî awan bikerê.
1ê Gulane ra heta 14ê gulane, heta rijnayîşê faşîzmê AKP-MHPyî û caardişê demokrasî ma waran de bibê, mîyanê çalakîyanê demokratîkan de bibê.
14ê gulane de seba rijnayîşê AKP-MHPyî û şiknayîşê pêro hêrişanê faşîstan ma tim amade bibê.
Ma gulana 2023yî bikerê destpêkê Kurdîstanê Azadî û Tirkîyaya Demokratîke.
Nê esasî ser o ma 1ê Gulane pêro karker, cinî, kedkar, ciwan, şarê ma yê welatperwerî, sosyalîst, demokrat û pêro merdimatîye rê fîraz kenê. Ma şehîdanê xo yê qehremanan bi rêzî yad kenê û venga her kesî danê ke vera faşîzmî têkoşînê demokrasî û azadîye pîl bikerê.''
