Komîteya TEV-ÇANDî ya PKKyî vera hêrişanê faşîstan ê serê kultur, ziwan û hunerê kurdan bi eşkerayîyêke nêrazîbîyayîşê xo mojna.

Eşkerayîye wina ya:

''Vera kultur, ziwan û hunerê kurdan hetê îqtîdarê AKP-MHPyî ra hêrişê nîjadperestî yenê kerdene ke dinya de mîsalê nînan tay ameyê dîyene.

Her kes bi zelalî vîneno ke ma rejîmêkê qirkerî de têrî yê ke no rejîm dişmenê her çîyê kurdkî yo.

Seba ke gerîlayî teyna bimanê no rejîm wazeno çimê şarî bitersno. Çunke îqtîdaro ke şerê vera gerîlayan de bin kewt çarçewa konseptêkê taybetî de vera erjanê kulturî dest pê hêrişan kerd.

Rixmê hendê îmkananê xo zî dewlete hêrişê nuşteyanê kurdkî, deyîranê kurdkî, merdimanê ke govende girewte, veyveyan, hunermendan ûsn. kena û bi tedayanê faşîzanan xîret kena ke heqanê şarî yê tewr xozayîyan çin bikera. Bi nê pratîkan wazena temamîya hêzanê azadî û demokrasîyî bêveng bikera.

Sebebê nê hêrişan o bîn zî no yo ke şayî û konserê ke dewleta tirke bi armancê asîmîlasyonî kena, seke nimûneyanê Cizîre, Sefînê û Berxbîrî de dîyayo hetê şarî ra eleqe nêvînenê.

Çîyê ke bi destê DAÎŞî nêbîyê dewlete kena ke bi hêrişanê kulturelan bikera. Senî ke êzidîyan rixmê qirkerdişî zî kultur û bawerîya xo ra tawîz nêdayo şarê kurdî zî kulturê xo ra qetî tawîz nêdano. Kultur cuye, exlaq û rûmet o. Nînan ra tawîz do nêro dayene.

Bi mîlyonanê merdimê ke waranê Newroze dekenê erzîyenê zîndanan; zîndanî, gefî, tedayî nêeşkenê kultur, ziwan û hunerê kurdan asteng bikerê.

Ganî şarê kurdî teyna nêro verdayene!

Ganî nêro vîrakerdene ke êyê ke tehamulê Delîloya kurdan nêkenê siba do tehamulê horonê lazan zî nêkerê. Çunke nê hêrişî karê tirkayetîya sipîye yê.

Wexto ke Rayber Apoyî Manîfestoyê Çareserîya Demokratîke îlan kerd qalê way û biratîya Delîlo û Horonî kerdbî. Ewro zî nameyê way û biratîye ser o ganî her kes hetê şarê kurdî de bibo û tewirê xo bimojno.

Welatêk de yê kesê bi kurdkî deyîrî vanê yenê lînçkerdene, qetilkerdene û tepişîyenê her xebata înan a hunerî ercîyaye ya. Nê prosesî de ma hunermendanê ke vera hêrişanê kulturelan cewab danê û tewirê birûmetî mojnenê selam kenê. Ma venga her kesî danê ke bi kincanê xo yê neteweyîyan vejîyê waran, govenda azadîye bigêrê û bi tîlîlîyan deyîranê kurdkî berz bikerê. Ma veng danê ke nê prosesî bizivirnê serewedaritişê kulturî.

Wa vengê ma heta Îmraliyî şoro, dêsanê Îmraliyî birijno!

Ganî ma prosesê hêrişanê faşîzanan bi ruhêkê xoverdayîş û serewedaritişî pêşwazî bikerê!''