Komîteya Keyeyanê Şehîdan a PKKyî bi eşkerayîyêke da zanayene ke 14ê nîsana 2023yî de Mihemed Malîk (Karwan Horamî) Herêmanê Pawitişî yê Medya de netîceya nêweşîyêke de şehîd bîyo.

Eşkerayîye wina ya:

''Têkoşînê azadîya Kurdîstanî serkêşîya PKK û Rayber Apoyî de 51 serrî yo bêmabên dewam keno. No têkoşîn ewro vilayê pêro dinya bîyo. Bêguman no têkoşîn xêrê ked û têkoşînê şehîdan de hende pîl bîyo û aver şîyo.

Embazê ma yê ke Rojhelatê Kurdîstanî ra yê, têkoşînê PKKyî de wayîrê rolêkê giranî de yê. Nê embazanê ma ra yew zî embaz Karwan Horamî yo. Embaz Karwan pê waştiş, jîhatî û xebatanê xo yê şorişgêran şinasîyayêne. La heyf ke embaz Karwan 14ê nîsana 2023yî de serê erkê xo de seba ke velkanê ci îflas kerd şehîd bi. 

Embaz Karwan de nêweşîyê şeker û astimî zî est bîyî. La ey têkoşînê xo yê 15 serran de qet yew nêweşîya xo nêkerde verê dewaya xo. Ey heta şehadetê xo zî nêvat ke nêweş o. O tim tewr vernîya xebatan de bi.

Embaz Mihemed Malîko ke nameyê ci yê qodî Karwan Horamî yo, ma keyeyê ci, şarê kurdî û embazanê ci rê seba şehadetê ey serweşîye wazenê. Ma dewa Textî ya Hewremanî rê zî serweşîye wazenê. Embaz Karwan rûmetê şarê Kurdîstanî yo. Ma do wayîrê keda ci vejîyê û şorişê 'Jin, Jiyan, Azadî' ser bivisnê.

Embaz Karwan Horamî emerê xo dayo çapemenîya azade û bi şehîdanê çapemenîye ra yew. Ey heta şehadetê xo bêmabên xîret kerd ke bibo perwerê Rayber Apoyî, şehîdan û embazanê xo. O tim bi moral û kelecanêkê pîlî xebitîya. Ey xebatê çapemenîye zî bi xîret, ked û waştişêkê pîlî aver berdî. 

Embaz Karwan xetêka têkoşînê azadîye bi. Ma soz danê ke ala têkoşînê embaz Karwanî leweyê koyanê Kurdîstanî de darde bikerê.

Nasnameyê embaz Karwanî wina yo:

Nameyê Qodî: Karwan Horamî

Name û Peyname: Mihemed Malîk

Cayê Bîyayîşî: Sine-Jawero

Maye-Pî: Qeta-Kerîm

Tarîx û Cayê Şehadetî: 14ê Nîsana 2023yî / Herêmê Pawitişî yê Medya''