Qezaya Giyadînî ya Agirî de polîsan saetanê serê sibayî de vera Partîya Demokratîke ya Şaran (HDP) operasyonê qirkerdişê sîyasîyî kerd. 

Polîsanê ke şaredarîye girewt binê ablûqa bi şiknayîşê berî kewtî zere. Polîsan eşt keyeyê Hemşaredara HDPyî  ya Giyadînî Betule Yaşar ser. Badê cigêrayîşanê dergan  Betule ameye destbenkerdene.

Reyna sereştişê keyeyan de Mesut Arslan û Mustafa Arpparslan zî ameyî destbenkerdene.

Goreyê zanayîşanê ke Parlamenterê HDPyî yê Agirî Abdullah Koçî dayî cigêrayîşê polîsan ê şaredarî dewam keno û destûr nêdîyeno ke kes/e bikewo zere.