Artêşa tirke ya îşxalkere 28ê kanûna 2011î de dewa Roboskî ya Şirnexî de bi hêrişê hewayî qirkerdişêk kerd. Nê qirkerdişî de zafê ci domanî 34 sivîlî ameyî qetilkerdene.

Gerîlayê HPGyî şehîd Erdal Nûdayî (Erdal Yildiz) rojnuşteyê xo de 12ê kanûna 2012î de wina qala Qirkerdişê Roboskî kerdbî:

''Qirkerdişê Roboskî nîşane û rîyo qirker ê rejîmî yo. Par ewro tornanê Sabîha Gokçen antremanêkê hewayî kerd. Resîtalêko bîn Dêrsim de kerdbî. Wezîfeyo ke dîyabi înan ard ca. Sena înan 'kiştişê eşkîyayan' 'qewmê tirkan' ra hetkarîye bîye. Seba ke ê nê eşkîyayan bikerê 'modern' qirkerdiş kerdêne. Her çi seba 'holîya' înan bi, seba 'holîye' kişîyayêne. Labelê tay kesan sere wedaritbî. Înan qaşo nê merdimî xapînabî. 

Peynîya 2000î de...Heman hişmendîye reyna werte de bîye. Tornêkê dewlete vatêne 'La se bi, pereyê ci çendek o ma do bidê. Her çi seba welatî yo, şima nê ça ra ardî ke vanê ê sivîl ê?' Nêzdîbîyayîşê dewlete vera kurdan wina yo. Dewleta ke Zîlane, Dêrsim, Agirî de qirkerdiş kerd Roboskî de zî bi heman metodî têgêraye. Labelê raştîyêke estbî ke dewlete hesabê ci nêkerd: Koy! Baş bizanê ke êyê ke koyan de şer kenê kurdê azadî yê.

Seba pawitişê kultur û tradîsyonî, seba girewtişê qesasî reyna heman warî de gerîlayî payan ser ê. Bi felsefeya cuyêka pîle, bi waştişêkê azadîye, bi metodê hesabpersayîşî... Ma estê! Gerîlayê azadîye do hesabê Roboskî pers bikerê, qesasê Roboskî bigêrê!''

Erdal Nûda (Erdal Yildiz) endamêkê Tabûrê Bêmergan ê Şehîde Zîlane bi ke 10ê tebaxa 2015î de qezaya Sultanbeylî ya Îstanbulî de vera Merkezê Polîsan ê Fatîhî çalakîya fedayîye kerdbî.