Fermandarê Yewinanê Pawitişê Rojhelatê Kurdîstanî (YRK) Şîyar Şevgerî serrgêra 11. ya şehadetê ci de Simko Serhildan yad kerd.

Fermandaranê YRKyî ra Simko Serhildan (Macît Kavîyan) 3ê êlula 2011î de hêrişê dewleta Îranî yê vera Qendîlî de şehîd bibi. Fermandar Şîyar Şevgerî îfade kerd ke wextê hêrişê Îranî yê vera Qendîlî de serkêşîya Simko Serhildanî de xoverdayîşêko pîl qewimîya.

Fermandar Şîyar Şevgerî vat: ''Dima ke pê Komployê Mîyanneteweyî Rayber Apo ame esîrkerdene embaz Simko wayîrê ey vejîya û bi fermandar. Ey Qendîlî ra heta Dengizê Reşî pêro waranê têkoşînî de cayê xo girewt û vera îşxalkeran şer kerd. Ma şerê Qendîlî de embaz Simkoyî reyde 21 şehîdî dayî. Embaz Simko şaristanê Bane ra fermandarêko qehreman bi ke tim ma rê bibo sembol. Ma tim şehîdanê xo ra hêz gênê, wayîrê nînan vejîyenê û ma do tim peyê xeyalanê şehîdan de bibê.

Artêşa tirke ya îşxalkere nika pê pêro hêzê xo hêrişê Zap, Metîna û Avaşînî kena ke têgêrayîşê azadîye çin bikera. La ê pê têkoşînê Apogîran nêeşkê. Dewleta tirke kamca de yew kurdo/a azad/e est bo/a hêrişê ci kena. Embazê ma Mervan Misto (Rêzan Baran) û Huseyîn Resûlî Kizilbaş (Bawer Sûr) zî hêrişanê vera Asosî de şehîd bîyî. A raşte nê hêrişî mojnenê ke dewleta tirke çendek bîya qels. Embazê ma Rêzan Cavîd zî Rojawan de hêrişê dewleta tirke ya îşxalkere de ame qetilkerdene. Her şehadetî ra dima kîn û hêrsê ma yê vera dişmenî zêdîyeno, beno pîlêr. Vateyê 'Sereyê mi sey Koyê Qendîlî berz o' yê dadîya Rêzan Cavîd ma rê moralêko pîl da. Ma nê vateyê aye sey erkî vînenê û ma do nê esasî ser o têkoşînê xo pîlêr bikerê.''