Serrgêra 86. ya Terteleyê Dêrsimî de Taxa Gazîyî û Kadikoy de siba (4ê gulane), saete 19.37/37 de aktîvîteyê yadkerdişî do bêrê kerdene. Komeleyanê Dêrsimî venga pêro dêrsimijan û dostanê înan da ke tewrê aktîvîteyan bibê.
Serrgêra 86. ya Terteleyê Dêrsimî de Taxa Gazîyî û Kadikoy de siba (4ê gulane), saete 19.37/37 de seba qurbanan aktîvîteyê yadkerdişî do bêrê kerdene
Federasyonê Komeleyanê Dêrsimî (DEDEF), Federasyonê Yewîya Dêrsimî ya Demokratîke ya Ewropa (ADEF) û Merkezê Cigêrayîşanê Dêrsimî (DAM) venga pêro kesan da ke 4ê gulane de bêrê Gazîyî. Komeleyanê Elewîyan ê Demokratîkan (DAD) venga pêro kesan da ke Cemxaneyê Gazîyî de tewrê aktîvîteya yadkerdişî bibê.
Eşkerayîya înan a hempare de ame vatene ke 4ê gulana 1937î de Heyetê Wezîran ê Komara Tirkîya bira Terteleyê Dêrsimî dabî û nê terteleyî de bi des hezaran kesî ameyê qetilkerdene û surgunkerdene.
Eşkerayîya hempare de wina ame vatene: ''Seba ke birînê Dêrsimî tayêk zî hol bibê û haştîye bêra caardene ganî 4ê Gulane (Roza Şîyaye-Roja Reşe) sey roja yadkerdişê qurbananê terteleyî bêro qebulkerdene. Ma venga pêro dêrsimijan û dostanê xo danê ke tewrê aktîvîteyanê ma yê yadkerdişî bibê.''
