Bi wesîleya rojbîyayîşê Rayberê Şarê Kurdî Abdullah Ocalanî serkêşîya KCD, TJA, DBP û MED TUHAD FEDyî de bi şîare "Semedê Azadîye ver bi Amara" rayraşîyayîş ame kerdene. Rixê heme astengîyan xeylêk bajaranê Kurdîstan û Tirkîya ra şar rayrîê Riha-Dîlokî de bi slogananê“Bijî Serok Apo”,  “Rojbuna te piroz be” ame têhet.

Hemsereka Pêroyî ya DBPyî  Salîha Aydenî tîya qisey kerd. Aydenîze bale ante ser ke 4ê Nîsane semedê kurdan senî rejêka muhîm a û vat: "Rixmê heme astengîyan şarê ma na roje tarîxî de tîya ame pêser. 4ê Nîsane roja newerabîyayîşê kurdan a. Se serrî verî bi Pêkerdişê Lozanî ame waştene ke kurdî tarîxî ra bêrê esterene. Kurdîstan ame çar parçekerdene û ame waştene ke kurdî eslê xora bêrê qerfnayene û bibê ereb, acem û tirk. 4ê Nîsane vera na polîtîka roja newerabîyayîşî ya. Êyê ke demokrasi û haştîye nêwazenê, felsefaya û fıkranê Birêz Ocalanî ra tersenê. Birêz Ocalanî semedê haştîya birumet israr keno. Ewro wextê ci yo ke no waştiş bêro qebulkerdene. Gerek tecrîd bêro şiktene û Birêz Ocalan bibo azad."

Hemserekê Pêroyî yê KCDyî Berdan Ozturk zî vat: "Ewro semedê şarê kurdî û şarê Tirkîya û Rojhelatê Mîyannênî rojêka muhîm a. Ewro şarê kurdî estbîyayîşê xo pîroz keno. Kurdî herra merdî ra newe ra bîyî ganî. Ewro bîyayîşê şarê kurdî yo. Roja demokrasi û cuya seyyewbîne û azade ya. Ocalan bi rayberê heme şaranê bindestan. Fîkrê Ocalanî peynîya sîstemê kapîtalîstî ya.

Badê eşkerayîye sey konvoyî rayraşîyayîşî dest pêkerd. Dekewtişê taxa Yanaloba ya qezaya Pirsûsî de leşkeran verê şarî girewt. Seba ke leşkeranê tirkan rayîrê Amara girewt, şarî rayîrê Dîlok-Riha girwt û bi tîlîlî û çapikan  govende girewte  û rojbîyayîşê Rayberê Şarê Kurdî Abdullah Ocalanî pîroz kerd.