Partî û rêxistinanê komelê sivîlî, aktîvîstanê sîyasî û komelkîyan ê Rojhelatê Kurdîstanî venga pêro şarê Rojhelatê Kurdîstanî û şaranê Îranî dabi ke vera qetilkerdişê cinîya ciwane ya kurde Jîna Emînî grevê pêroyî bikerê.

PJAK û KODARî zî veng dabi ke ewro bi şîarê 'Cinîye Cuye Azadîye û Şehîdî Nêmirenî' wa her kes tewrê grevî bibo.

Vengdayîşî ser o temamîya Rojhelatê Kurdîstanî de grevê pêroyî dest pêkerd.

Goreyê dîmanan şaristananê Rojhelatê Kurdîstanî Seqiz, Sine, Şino, Bukan û Bane de grev dest pêkerdo. Dîmenan de aseno ke dikanî anêbîyî û şar nêşîyo karî.