Edîtorê Erebkî yê Rojnewsî Silêman Ehmed 25ê teşrîna verêne de Berê Sînorî yê Sêmalka de hetê PDKyî ra amebi remnayene. 44 rojî yo Ehmedî ra xeberêke nêna girewtene.

Ajansê Rojnewsî derheqê babete de eşkerayîyêke daye. Eşkerayîye bi kilmî wina ya:

''Ma sey Rojnewsî sûcdarîyanê ke edîtorê ma Silêman Ehmedî pê tomet beno, şermezar kenê. 44 rojî yo Silêman Ehmedî ra xeberêke çin a ke o hetê PDKyî ra amebi remnayene. Asayîşê ganê edîtorê ma ra PDK mesuldar o.''

Rixmê nêrazîbîyayîşan de ne asayîşê PDKyî ne zî hukmatê Başûrê Kurdîstanî derheqê Silêman Ehmedî de agahîyêke nêdanê. Avûkatanê Ehmedî ra Nerîmane Ehmed da zanayene ke Asayîşê PDKyî yê Dihokî dosyaya Ehmedî înan ra nimneno û destûr nêdano pêvînayîşî.

Avûkate Nerîmane vat: ''Ma muracatê mehkemeya asayîşê Dihokî kerd ke Ehmedî bivînê. La mehkeme destûr nêda. Eke çîyêk bêro sereyê Ehmedî mesuldarê ci PDK yo.''