Dezgeh û sazgehî zî tede bi desan roniştoxanê Kerkûkî vera hêrişanê dewleta tirke yê serê Herêmanê Pawitişî yê Medya pê çalakîyêke nêrazîbîyayîşê xo mojna.

Nameyê girseyî ser o nuştox û roşnvîr Letîf Fatîh Ferecî qisey kerd. Ferecî bêvengîya vera hêrişan rexne kerd û îfade kerd ke îşxalkerî hê erdê Kurdîstanî talan kenê.

Ferecî vat: ''Heyf ke rayberîya na bêvengîye PDK keno. Şerê gerîlayan seba estbîyayîşê ma yo. No şer şerê azadîye yo. Serkewtiş qetî ê ma yo.''

Ferecî venga pêro hêzanê demokrasî da ke wa wayîrê xoverdayîşê gerîlayan vejîyê, îxanet qebul nêkerê.