Merkezê Îrtîbatî û Çapemenîye yê HPGyî bi wesîleya serrgêra şehdatê ci ya 40. Kemal Pîr yad kerd û detayê çalakîyanê gerîlayan û hêrişê artêşa tirke yê peyênî pare kerdî:

Zap:

“6ê êlule de îşxalkeranê ke watş xo dormeyê mewzîyanê şerî yê Şehîd Xursî yê Warê Xoverdyaîşî yê Saca de cabikerê ameyî pirodayene. Na çalakîye de 2 nîşandarê tûjî ameyî cezakerdene û yew kameraya mobese ameye îmhakerdene. Eynî roje Warê Xoverdayîşî yê Çemçoyî de îşxalkerî çend rey têdima ameyî pirodayene, îşxalkerêk ame cezakerdene. Warê Xoverdayîşî yê Karkerî de çalakîya sûîkatî ya  YJA Starî de îşxalkerêk ame cezakerdene. 7ê êlule de Warê Xoverdayîşî yê Şehîd Fedakarî yê Sîda de îşxalkerê ke ver bi mewzîyanê şerî yê Şehîd Bahozî avêr şiyênî ameyî pirodayene, îşxalkerêko bi nameye Omerî ame cezakerdene.

Xakurkê

4ê êlule de mabênê Gelîya Reşî û Gerdîya de wesayîtêko leşkerî ame pirodayene. Na çalakîye de yewê ci payeberz 3 îşxalkerî û kontrayêk ameyî cezakerdene û wesayîto leşkerî ame îmhakerdene.

Hemleya Şorişgêre ya Şehîd Savaş Maraşî ya Cengê Xebûrî

6ê êlule de  Warê Xoverdayîşî yê Girê Amedîyê de çalakîyêke ameye kerdene, îşxalkerêk ame cezakerdene û îşxlakerêk zî birîndar bi. Eynî roje Warê Xoverdayîşî yê Girê Cûdîyî de di çalakîyî ameyî kerdene. Çalakîya verêne îşxalkerî mecbur mendê ke peyser binacîyê çalakîya diyênî de zî îşxalkerêk ame cezakerdene.

Bombarduman

Artêşa tirke ya îşxalkere 6ê êlule de Warê Xoverdayîşî yê Girê Amedîyê û Girê FMyî de mewzîyê şerî pê bombaya nuklere û gazanê kîmyewîyan dayî bombarduman kerdî. Reyna 5,6 û 7ê êlule de Warê Xoverdayîşî yê Saca, Şehîd Adîl, Girê Amedîyê, Girê FM, Girê Cûdî, Werxelê, Çemçoyî pê teyarayanê şerî, helîkopteranê hêrişî û obusan dîyayî bombayan ver. “