Berê Sînorî yê Sêmalka de 74 rojî yo ke semedê girewtişê cenazayanê gerîlayan ê ke PDKyî şehîd kerdî, çalakîye yena kerdene. Çalakwanî rixmê serd û varayîşî qerardar çalakîya xo domnene.

Grûba Dirbesîyê ewro çalakîye dewrê grûba Til Temîrî kerde. Grûba ke Hemserekê Meclîsê Til Temirî û endamê Kongreya Starî tede ca genê bi sloganan ver bi xeyma çalakîye rayra şîyî. Verê xeyme de eşkerayîye ameye dayene. Eşkerayîye de ame vîrvistene  ke nizdê hîrê mengan o ke cenazayî yenê waştene û nê ameyî vatene: ''Ma cenazayanê xo wazenê, ê berê Pêşxabûrî qefilnenê û kenê zirar bidê. Ma têna şehîdanê xo wazenê. Ê se kenê wa bikerê ma do milê xo çewt nêkerê û tewr peynî cenazayanê xo destê înan ra bîgirê. Çalakwanan bi sloganan şehîdî yad kerdî û xayînîye şermezar kerde.