Semedê Nagîhane Akarsel xeyma tezîye ameye ronayene
Semedê Nagîhane Akersela ke Silêmanî de hetê dewleta tirke ra ameye qetilkerdene, xeyma tezîye ameye ronayene. Canazaya Akarsele do bişawîyo Vakurê Kurdîstanî.
Semedê Endamê Merkezê Cigêrayîşî yê Akademîya Jineolojî Nagîhane Akersela ke 4ê êlule de Silêmanî de hetê dewleta tirke ra ameye qetilkerdene, taxa Bextîyarî de xeyma tezîye ameye ronayene.
Endama Polîtburo yê YNKyî Şehnaze Îbrahîm Ahmed, nuştox Alî Karimî, Hemsereka Tevgera Azadî Tara Hisên û xeylêk temsîlkarê dezgehanê sîvîlan xeyma tezîye de hazir bî.
Tara Hisêna ke xeyme de qisey kerd bale atne qetilkerdişê cinîyan ê kurdan ser û vat ganî qesasê înan bêro girwtene. Endama Akademîya Jineolojî Necîbe Qeredaxî zî no hêriş sey vera heme cinîyan name kerd û vat ganî berpirsîyarî wezîfeyê xo bîyarî ca û verê nê qirkerdişan bigêrê. Qeredaxî vat ê do sey cinîyan xeyalanê Nagîhane bîyarê ca.
Cenazaya Akersele do siba badê merasîmê ke bişawîyo Vakurê Kurdîstanî. Siba do serkêşîya cinîyan de saete 13.00 de Heyeta Ecê Xanim de semedê Nahîhane Akersel merasîmêk bêro kerdene û dima ra cenaza bişawîyo memleketê ci.
