Kesê ke verê bînaya HDPyî ya Colemêrgî de ronişenê meseleya 'kamî dewlete ra çendêk girewto' ser o kewtî pê.

Verê bînayanê HDPyî yê Amed, Wan û Colemêrgî de tay kesî hetê dewlete ra ronişnenê. Zanîyeno ke nê kesî dewlete ra sey meaşî her menge pere gênê. Eşkera bi ke kesê ke verê bînaya Colemêrgî de ronişenê, domanê înan qetî nêşîyê koyan. Nê kesî her menge 10 hezar lîra dewlete ra gênê û coka meseleya 'kamî dewlete ra çendêk girewto' ser o kewtî pê.

Dikandarêko ke asayîşî ra nêwaşt nameyê xo bido ard ziwan ke o bîyo şahîdê pêkewtişêkê winasênî. Dikandarî vat: ''Ma nînan ra eşnawit ke dewlete ra pere gênê. Ma nînan ra şermayenê çunke rûmetê xo seba pereyî roşenê. Ma venga nê kesan danê ke wa nê rayîrî ra bigêrê. No pere do înan rê fayde nêkero.''