Endamê Komîteya Merkezî ya PKKyî Nedîm Sevenî ANFyî rê rojdem ercna. 

Qiseykerdişê Sevenî ra tay noqtayê girîngî wina yê:

''Dinya de rejîmêko bîn sey sîstemê Îmraliyî çin o. Îmrali sîstemê qirkerdişî yo. Rejîmê AKP-MHPyî bi taybetî 2015 ra dima tecrîd kerd giranêr û têkilîya Rayberîye ya bi şarî birnaye. A raşte sîstemê Îmraliyî hetê Ewropa ra yeno îdarekerdene, CPT zî çimdarîya ci keno. CPT bi hawayêkê sistî xo nêzdîyê Îmraliyî keno no zî mojneno ke CPT hemkarê nê sîstemî yo. Tecrîd hînî hetê şarê ma ra nêno qebulkerdene. Têgêrayîşê ma seba azadîya Rayberîye tim çalakîyan de yo. Şarê ma û dostanê ma Newroze û 8ê Adare de meydanî dekerdî û bi yew vengî azadîya Rayber Apoyî waşte. Ganî her war seba azadîya Rayber Apoyî bibo warê xoverdayîşî. Seba azadîya Rayberîye destî ra çi yeno wa bêro kerdene.

Newroza emserîne de şarê ma mesajê xo yê weçînayîşî zî bi zelalî da. Newroze de tewiro demokrat, azad, têdûşt û temsîlîya edaletî vejîya werte. 24ê temmuza 2023yî de Peymana Lozanî kewena serra 100. Eke îqtîdaro faşîst AKP-MHP weçînayîşan de ser bikewo, do Peymana Lozanî hîra bikero. Xora îqtîdar bi xeyalanê Mîsak-Mîlî hêriş keno la gerîlayê ma yê qehremanî her ca de pê têkoşînê xo nê xeyalan pûç kenê. Yanî bi xoverdayîşê PKKyî xeyalê Mîsak-i Mîllî pûç bîyê.

A raşte AKP-MHP heta nika hetê Rayber Apo û PKKyî ra ameyo binvistene. AKP-MHP dewrê xo yê tewr qelsî de yo. AKP-MHP warê ekonomîk, sîyasî, dîplomatîkî de bin kewto. 14ê gulane de zî do bi temamî şoro.  No îqtîdar zaneno ke kurd û elewîyî verê ci de asteng ê, tim hêrişê înan keno. Şarê ma, bindestî, demokratî û elewîyî dormeyê Partîya Çep a Keske de yenê pêser. Seke zanîyeno ke ma rewşa çalakînêkerdişî heta weçînayîşî kerde derg. Weçînayîşan rê tay mend. AKP-MHP seba ke weçînayîşan de ser bikewo do her çî bikero. Ganî şarê ma nê warî de hişyar bibo. AKPyo ke kiştoxê kurdan o, şino kiştoxanê kurdan HUDA-PAR de, DAÎŞ de îtîfaq keno. Şarê ma do weçînayîşan de cewabê ney bido. Seba ke nê weçînayîşan de AKP-MHP bêro binkerdene wa her kes mesuldarîyanê xo bîyaro ca, bixebito û xîret bikero. 

Ma heta weçînayîşî do çalakîyanê gerîlayan nêkerê. Têgêrayîşê ma seba ke verê provakasyonan bigêro tewir girewto.  Xora dewleta tirke û AKP-MHP peyê provakasyonan de do bigêrê. Ganî hêzê demokratîkî hişyar bibê.  Ma venga şarê xo û pêro kesan danê ke bi ruhê Newroze warê sîyasetî de çarçewa huqûqî de peynîya AKP-MHPyî bîyarê.''