Şaristanê Silêmanî yê Başûrê Kurdîstanî de hêrişê dewleta tirke yê vera Meydanê Teyarayan ê Silêmanî bi rayraşîyayîşêkê pîlî ame protestokerdene. Rayraşîyayîş de Alê Rengînî ameyî akerdene û sloganî ameyî vatene.

Dima aktîvîst Cotyar Reşîdî nameyê girseyî ser o eşkerayîye wende. Eşkerayîye de ame parekerdene ke dewleta tirke ya îşxalkere gêrena ke Başûr û Rojawanê Kurdîstanî de têmîyanî û bêaramîye viraza. Eşkerayîye de dîya zanayene ke dewleta tirke pê hêrişê vera Meydanê Teyarayan sûcê vera merdimatîye kerdo.

Eşkerayîye de venga şarî dîya ke wa malanê dewleta tirke boykot bikero û venga hukmatanê Iraq û Herêma Kurdîstanî dîya ke wa vera hêrişanê Tirkîya bêveng nêmanê.