Şûbeyê Amedî yê TUAY-DERî bi şîarê “Ma tecrîdî bişiknê, cuya azade ronê” banê MED TUHAD-FEDî yê Yenîşehîrî de kongreya xo ya dîyêne kerde. Xeylêk sîyasetmedarê kurdan û îdarekarê rêxistinanê komelê sîvîlî tewrê kongre bîyî.

Mehmet Ergunê ke qiseykerdişê akerdişî kerd bale ante serê prosesê giranî ser û vat, “Gerek nê prosesî de her kes wezîfeyê xo bîyaro ca. Nê prosesî de bedelê girdî ameyî dayene. La hema wezîfeyê ke ma gerek bîyarê ca est ê. Mesela Birêz Ocalan binê tecrîdî de yo. No sûcê merdimîye yo. Semedê wedartişê tecrîdî gerek ma xebatanê xo xurtêr bikerê. Gerek têna rojemê ma tecrîd bo, her kes wirzo payan ser. Verî eke hewteyêk pêvînayîş nêbîyênî qiyamet qerfîyayêne la inkey 28 aşmî yo xebere çîn a, qet veng nêvejîyeno. ”

Qiseykerdişanê bînan de zî semedê wayîrvejîyayîşê tepişteyanê ame vengdayene .

Vahap Gunay û Hatîce Guneş sey hemserekanê dewrê neweyî ameyî vîjnayene.