Fermandaranê Qerargehê Merkezî yê HPGyî ra Halî Armancî beşdarê bernameyê taybetî yê Stêrk TVyî bi û rojdem ercna.

Qiseykerdişê Armancî ra tay noqtayê girîngî wina yê:

''Ma Erdlerzê 6ê Sibate ra dima sey erkêkê exlaqîyî bira çalakînêkerdişî girewtbî. Labelê dewleta tirke reyna zî hêrişê xo yê vera Vakur, Rojawan, Başûr, Mexmûr û Şingalî zêdînayî. Reyna eşkera bi ke dewlete û îqtîdarê tirkî merdimarîye ra bara xo nêgirewta. 

Ma na bire ser o pêro plansazîya xo ya çalakîyan betal kerde. Hem erdlerz est bi hem zî şarê ma û şaranê Tirkîya zaf dejî antêne. Dima zî xora prosesê weçînayîşan dest pêkerd. Coka ma adirbirnayîş kerd derg. Dewleta tirke ya faşîste nê prosesî de zî ancî mojna ke a şer de israr kena.

Dewleta tirke serranê peyênan de hêrişê xo zêdînayî. Sere de Dêrsim û Botan de her warê Kurdîstanî de vera xozaya Kurdîstanî hêrişê pîlî yenê kerdene. Daristanê Kurdîstanî bi hawayêkê sîstematîkî yenê vêşnayene. Tay cayan de awbendî virazîyenê, tay cayanê bînan de rayîrî virazîyenê. Tay kesê kurdî zî  tewrê nê talanî benê. Ma hol zanenê ke ê kam ê. Ê kesî îhaleyan gênê, sûcanê xo zêdînenê la do qetî peynî de hesabê ney bidê. Sere de şarê ma yê Botanî ganî pêro şarê Kurdîstanî vera talanê xoza têbigêro. 

Wextê peyênî de, prosesê adirbinayîşî de  hêrişanê dişmenî de tay embazê ma şehîd bîyî. La Amed de 13 leşkerî, Bagok de 8 îşxalkerî ameyî cezakerdene. Dewleta tirke giranîye dana hêrişanê teknîk û hewayî û bi rayîrê ajanan zî xîret kena ke cayanê ma tesbît bikera. Gerîlayî do hêrişêkê dişmenî zî bêcewab nêverdê.

Dişmen her ca de hêriş keno, şarê kurdî qetil keno. Başûr, Vakur, Rojawan, Mexmûr û Şingal de şarê ma şehîdan dano. Yanî planê qirkerdişî dewre de yo. Vera ney zî yew manaya bira adirbirnayîşî nêmenda. Ganî her kes ney bivîno. Nika ra pey zî çalakîyê ma do dewam bikerê. Hesabê hêrişan, şehîdan û qetilkerdişan do qetî bipersîyê. Gerîlayê Kurdîstanî her ca de vera faşîzmî do rolê xo bîyarê ca.''