Doman Y.D. 21ê adare de wexto ke embazêkê xo yê 10 serrî reyde Licê ra gêrayêne hetê polîsan ra bi wesayîtêkî amebi remnayene, bi hawayêkê barbarî îşkence dî, dest û lingê ci girê dîyabî. Polîsan Y.D. rê teda kerd ke vajo 'Ez tirk a', kurdan rê heqaret bikero û merşê tirkan biwano.

Polîsan îşkenceyî ra dima dest û lingê Y.D.yî girê dabî û o eştbî awa çemêkî. Dewijêkî doman wedarîyabi nêweşxaneyî. Beno ke çimêkê domanî kor bibo. Dima ke xebera îşkenceyî weşanîyabî derheqê hîrê polîsan de tehqîqat amebi akerdene.

Tehqîqat de polîsî Îsmaîl Akkûş, Emre Ozcan û Gokhan Bay 26ê adare de sûcê 'birîndarkerdişî' ra tepişîyayî û Aykût Oral û  Hayrettîn Çakmak vera dîyabî.

Baroyê Amedî hesabê xo yê medyaya dîjîtale de eşkerayîyêke daye û da zanayene ke hîrê polîsê bînî zî vera dîyayê. Baroyî îfade kerd ke no netîceyêka bêcezaverdayîşî ya û ê do prosesê huqûqî teqîb bikerê.