Artêşa tirke ya îşxalkere 32 reyî hêriş kerd
Artêşa tirke ya îşxalkere Herêmê Pawitişî yê Medya hewa û erdî ra 32 reyî dayî bombayan ver.
Merkezê Îrtîbatî û Çapemenîye yê HPGyî derheqê hêrişanê îşxalî de bi eşkerayîyêke agahîyî dayî.
''Herêma Zapî de;
21ê nîsane de Warê Xoverdayîşî yê Girê Cûdîyî de artêşa tirke ya îşxalkere pê çekanê giranan hêriş kerd. Hêzanê ma yê YJA-Starî seba pawitişê xo cewab da hêrişî û tay temasî qewimîyayî. Netîceya temasî de 1 sîstemê kameraya mobese ame îmhakerdene.
Herêma Metîna de;
20ê nîsane de Warê Xoverdayîşî yê Girê Hekarî de artêşa tirke ya îşxalkere pê çekanê giranan hêriş kerd. Hêzanê ma çarçewa xopawitişî de cewab da hêrişan û netîceya ney de tay temasî qewimîyayî.
Hêrişê artêşa tirke ya îşxalkere;
20-21 û 22yê nîsane de dormeyê dewanê Sêgirê yê Warê Xoverdayîşî yê Amedîyê û herêma Şêlazê yê Metîna 6 reyî pê teyarayanê şerî dîyayî bombayan ver.
20 û 21ê nîsane de Warê Xoverdayîşî yê Girê Bihar, Girê FM û Girê Cûdîyî 26 reyî pê çekanê giranan û tankî dîyayî bombayan ver.''
