Dêrê Axtamarî de armenîyan emser reya 10. ayînê xo kerd.

Ayîno emserîn ayîno tewr şenik ê 10 serranê peyênan bi û Patrîkê Armenîyan ê Tirkîya Sahak Maşalyan û Rahîb Harutyan Damadyan zî tede 46 dîndarî tewrê ayînî bîyî. Armenîyan seba keştîye 35 lîra da û resayî Axtamar. Wexto ke kewtî Dêrê Axtamarî zî seba ayînî 65 TL da. Emser selahîyedarê dewlete tewrê ayînî nêbîyî. Ayîn binê ablûqaya polîsan û cendirmeyan de ame kerdene. Rojnamegeran rê zî ne keştîye ne zî wesayîtêk ame dayene. Rojnamegerî pê îmkananê xo resayî girawe.

Hemserekê ÎHDyî yê Wanî Mehmet Karakaşî derheqê babete de ANFyî rê qisey kerd û vat: ''Dewlete herinda ke azadîya dîn û wijdanî rehet bikera eqsê ci têgêrena. Heqê azadîya dînî û wijdanî ameya binpaykerdene. Nê zor û zehmetîyan ra şarê armenîyan nêeşkeno wecîbeyanê xo yê dînîyan bi hawayêkê azadî bikero.

Dormayê ma de bi hezaran dêrî est ê la pêro ameyê xerakerdene, serê înan de qereqol, tuwalet û banî virazîyayê. Têna Dêrê Axtamarî mendo. Mudirîya Turîzm û Kulturî yê Wanî sey sembolîkî destûr da ayînî. Xora na babete de nêzdîbîyayîşê înan ê negatîfî est ê.''