Komeleya Paştdayîş û Hetkarîya Bi Kesanê ke Merdimê Xo Dergûşê Şaristanîye de Vînî Kerdî (MEBYA-DER) bi beşdarîya bi seyan kesan Mêrdîn de bernameyê fitarî kerd. Temsîlkarê HDP, DBP û Partîya Çep a Keske, îdarekarê komeleyanê sûryanî û alîmanê dînî zî tewrê fitarî bîyî.

Hemşaredara Mêrdînî Fîgene Altindag fitarî ra verî qisey kerd û ard ziwan ke Rojhelato Mîyanên prosesêkê girîngî ra derbaz beno û vat: ''Proses de şarê kurdî û pêro şarê Rojhelatê Mîyanênî zemînêkê hemparî do bivisnê destî.''

Dima Wekîlê HDPyî yê Êlihî Necdet Îpekyuzî qisey kerd û dîyar kerd ke HDP rixmê pêro hêrişan zî xo ver dano. Îpekyuzî ard ziwan ke Partîya Çep a Keske rayîrêko newe akerdo û vat: ''Ma do Partîya Çep a Keske reyde îqtîdarê nikayênî bivisnê warî. Ma haştîye û têdûştîye wazenê.''