Komeleya Cigêrayîşê Ziwan û Kulturî yê Mezopotamya  (MED-DER) bi wesîleya 15ê Gulane Roşanê Ziwanê Kurdkî aktîvîteyêke organîze kerde û sertîfîkayê wendekaranê serkewteyan ê kurdkî dayî.

Aktîvîte banê komele yê Peyasê Amedî de ameye kerdene. Pîya bi rêxistinanê Partîya Çep a Keske, HDP, DPByî yê Amedî xeylêk kesî tewrê aktîvîte bîyî. Cayê aktîvîte de pankartê sey  “ Zimane Kurdî Kilîda Azadiya Gelê Kurd e” û  “15 ê Gulanê Cejna Zimanê Kurdî Piroz Be”ameyî daliqnayene.

Aktîvîte de verî îdarekarê MED-DERî Rifat Ronî qisey kerd. Ronîyî ard ziwan ke rixmo ke kurdî sey “wayûbira” yenê namekerdene ziwanê kurdkî sey ziwanê perwerdeyî nîno qebulkerdene û vat heta ke kurdkî bibo ziwanê perwerdeyî do têkoşînê înan dewam bikero. Ronîyî vat, “Ma do xeyalayanê Ehmedê Xanê, Feqiyê Teyran, Melayê Cizîrî  û ronayoxê alfabeya kurdkî Mîr Celadet Elî Bedirxanî bîyarê ca. ”

Dima ra Hemsereka MED-DERî Şukrane Yakut kirmanckî qisey kerd. Yakute vat wina vat: “Gerek ma keyeyê xo ra dest pê bikerê û heta, kuçe, cayê karî , sîyaset û her warê cuye de ziwanê xo yê dayîke qisey bikerê. Heta ke ziwanê ma bibo ziwanê perwerdeyî do têkoşînê ma dewam bikero.” 

Aktîvîte bi deyîran û gonvendan qedîyaye.