Xakurkê de 3 leşkerê tirkî ameyî kiştene

Gerîlayanê HPG û YJA Starî Xakurkê de vera artêşa tirke ya îşxalkere çalakîye kerde, tewr tay 3 leşkerê tirkî ameyî kiştene.

Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

'''Çareçeweya Hemleya şorişgêre ya Şehîd Bager û Şehîd Ronya de hêzanê 4ê hezîrane de herêma Xakurkê ya Herêmanê Pawitişî yê Medya de çalakîyêke kerde.  Çalakîya vera leşkeranê Qilê Şehîd Kendalî de ameybî cakerdene ameye kerdene de yewîya dişmenî ser o adir ame varnayene. Çalakîya bitesîr de   tewr 3 leşkerê tirkî ameyî kiştene û 1 zî birîndar bi.

Hêzanê ma şexso bi nameyê Orhano ke pîya bi dişmenî xebityeyêne  4ê hazîrane de nizdê dewa Talê ya Colemêrgî de ceza kerd. No şexsêko xeylêk wexto artêşa tirke rê gureyayêne erjanê şarê ma rê xîyanet kerdêne, falîyetê kontra rayra berdêne, bi îstîxbaratê ey çar embazê ma hêrişê hewayî de şehîd kewtî. Artêşa tirke meyîtê nê şexsî bi paştîdayîşê  helîkopter û wasayîtanê hewayî herême ra vete.

Teyarayanê şerî yê Tirkîya 4ê hezîrane de warê Gelîya Avaşînî yê Avaşînî yê Hêramanê Pawitişî yê Medya bombardûman kerde. Nê hêrişan de vînîbîyayeyêma çîn ê.''