Rojhelatê Kurdîstanî de polîtîkaya dewleta Îranî ra krîzêko ekonomîk o pîl esto. No krîz zî xora tewr zaf tesîrê xizaran keno. Rojhelat de nano tewr ercan hezar tumen o yanî seba nanî keyeyêko qijkek ganî mengêke de 3750 tumen bido kişte. Awe, ceyran û gaz zî hende nanî vay ê. Dewlete qaşo bi nameyê 'yarane' hetkarîye dana xizanan la na yarane zî pê faturaya awe û ceyranî apey gêna.

Goreyê cigêrayîşan Îran de  85 mîlyon hemwelatîyan ra se ra 70ê ci bêkar ê. Herême de xizanî û vêşanîye ra serebûtê xokiştişî zî zêdîyenê. Dewleta Îranî Rojhelatê Kurdîstanî de tena qereqolan virazeno, kurdan domanîye ra nara tewrê kadroyanê xo keno.

Şarê Rojhelatî polîtîkaya ajanîye yê dewlete keno pûç. Şar pê viraştişê gezo (tozkerdişê şekerê serê pelan), vinceyê kîzwanî, mazo û simeq û heywankarîye debarê xo keno. Şar neçarî ra kolberîye zî keno la pasdarî tim hêrişê kolberan kenê.

Kurdîstan de zengînîya binê erdî û serê erdî zaf zêde ya. Şar vera pêro astengîyanê dewlete pê rûmetê xo cuya xo pawenê.