Xoverdayîşê Nasir Yagizî kewt roja xo ya 128’ine
Nasir Yagiz o ke seba ke tecrîdê serê Rayberê Şarê Kurdî Abdulla Ocalanî bêro wedaritene girevê vêşanîye de yo, çalakîya ci kewte roja xo ya 128’ine û rewşa ey çend şino bena xirab.
Hewlêr, Mexmûr û Silêmanî de grêvê vêşanîye bi qerardarîya girde dewam kenê. Çalakîya Nasir Yaxizî kewte roja xo ya 128’ine.
Hewlêr: Rewşa Nasir Yagizî nê rojanê peyênan de bîya girane û Yagiz êdî nêeşkeno rawirzo payan ser. Reyna awanîya Temsîlkarîya HDP’yî ya Kurdistanê Başûrî de çalakîya grevê vêşanîye ya bêwext û bidore bi grûba 64’ine dewam kena.
Mexmûr: Kampa Multecîyan a Mexmurî de endama Koordînasyonê Meslîs ê Îştare Fadîla Toke 68 rojî yo ke grevê vêşanîye de ya. Reyna Mexmur de çalakîya grevê vêşanîye ya ke bi dore yena girewtene zî kewte roja xo ya 102’yîne û grûba 35’ine çalakîye dewr girewte.
Silêmanî: Silêmanî de Komeleya Karkeran ê Mezopotamya de zî çalakîya grevê vêşanîye ya bêxewt û bidore amebî destpêkerdene û çalakîye roja xo ya 104’ine de dewam kena. Çalakîye hetê grûba 53’yîne ra dewr ameye girewtene. Reyna eynî merkez de Herêm Mahmud 33 rojî yo, Şeyma Ednane zî 26 rojî yo ke grevê vêşanîye yê bêwext-bêdore de yê.
