Vizêr roja hîrêyîne ya xoverdayîşê şarê Mexmûrî de heyetêkê mexmûrijan selahîyetdaranê Iraqî de pêvînayîş kerd û netîceyî pare kerdî. 

Hemsereka Meclîsê Şarî yê Demokratîkî yê Mexmûrî Fîlîze Budak derheqê netîce de wina vat: ''Xoverdayîşê şarê ma hukmatê Iraqî ard masaya dîyalogan.  Roja verêne hukmatî muzakere qetî qebul nêkerdbi la nika ê yenê dormeyê masa. Netîce de akerdişê hendekan vindert. Ma waştbi ke kuleyî nêrê ronayene, hendelan û têlan qebul nêkenê. Heyet siba waştişanê ma yê bînan biresnê Bexdadî. Siba (ewro) netîce do dîyar biba. Xoverdayîşê şarê ma hukmatê Iraqî ard verê muzakereyan. Dewletî wayîrê tank û topan ê la îrade û rêxistinîya şarî eşkenê înan vindarnê.

Nobeta ma ya xeyman do dewam bikera. Ma pê bawer ê ke do înan vindarnê. Coka ma vanê biciwîyo şarê ma yo rêxistinkerde!''

Şarê Mexmûrî bi coşî netîce pêşwazî kerde.